evan shrutagnAnakA upayog dravya-guN-paryAyamen rukatA ho to use bhI svayamen sthir kare. us prakArakA Ashcharya bhI toD detA hai jAnaneke liye ki yah guN kyA hai, yah paryAy kyA hai yA yah dravya kyA hai? aise jo vichAr rAgamishrit hai, usamen aTakatA ho, dUsare vikalpako to gauN kar diyA, lekin aise aTakatA ho ki yah dravya hai, yah guN hai, yah paryAy hai, athavA yah dravya kaisA hai, yah guN kaise hain, yah paryAy kaisI hai? usamen vichAr aTakate ho aur bhed paDate ho, un sabakA Ashcharya toDakar, us kShaN vah sab jAnaneke bhedako toDakar antaramen upayogako sthir kare ki main to jo hUn so hUn.
main chaitanyadev hUn, is prakAr upayogako svayammen sthir kare to use guN-guNIkA bhed gauN hokar vikalpa chhUTakar nirviklap dashA hotI hai. guN-guNI bhed parase dRuShTi chhUTakar AtmAmen sthir ho to use nirvikalpa dashA hotI hai aur antaramense use gnAyakadev pragaT hote hain. antaramense aisA chhUT jAtA hai ki bas, ek gnAyak mAtra gnAyak, ananta guNase bharA gnAyak, aisI nirvikalpa dashA to use pragaT hotI hai.
ek AtmAkA astitva grahaN kare to hI yah hotA hai. sirpha yah chhoDA, phir yah chhoDA, aise AtmAko-gnAyakako grahaN kiye binA, mainne sab chhoDakar sab bhed chhoD diye, parantu AtmAko grahaN kiye binA, abhed par dRuShTi kiye binA, gnAyak par dRuShTi kiye binA, gnAyakako grahaN kiye binA kisI bhI prakArakA bhed chhUTatA nahIn. aisI ekAgratA kare parantu yadi gnAyak grahaN nahIn huA ho to vaisA dhyAn kare to vikalpa chhUTate nahIn. lekin AtmAko pahachAnakar, gnAyakako pahachAnakar, usakA astitva grahaN karake phir usamen sthir ho jAy to usake vikalpa chhUT jAte hain.
gurudevane yah mArga spaShTa karake svAnubhUtikA mArga batAyA hai aur usI mArgase kalyAN hotA hai aur yahI mArga hai, muktikA upAy hai. vahI ek sukhakA upAy hai. satya yahI hai. usamen koI nay nahIn rahate hain. koI nayonkI lakShmI udit nahIn hotI, shAstramen AtA hai. nikShep kahAn chalA jAtA hai, pramAN asta ho jAtA hai, vah sab prakArakA Ashcharya use chhUT jAtA hai. jAnanekA kutUhal chhoDakar antaramen sthir ho jAtA hai. parantu usakI antarmuhUrtakI sthiti hai. phir bAhar AtA hai to savikalpa dashAmen usake vichAr Ate hain. kyonki pUrNa vItarAg nahIn huA hai. savikalpa dashAmen bhedagnAnakI dhArA rahatI hai, usake sAth kShaN-kShaNamen gnAyakakI dhArA rahe, usake sAth yah vikalpa hote hain. shubhabhAv hotA hai, shrutakA chintavan hotA hai, panch parameShThIkI bhakti, dev-guru-shAstrakI mahimA Adi sab vichAr hote hain. parantu usase bhinna hI rahatA hai. parantu nirvikalpatAke samay yah sab chhUT jAtA hai aur gauN ho jAtA hai.