132 vastu koI durlabh nahIn hai. lekin antaramen svayamko utanI lagI hI nahIn hai. shuddhanayakA viShay to svayam svayamkA ek chaitanyakA astitva grahaN kare, usamen sab A jAtA hai. parantu vah gnAnase pahale nakkI karatA hai. nishchay karake dRuShTikA jor AtA hai. isaliye dRuShTi ek par sthApit karatA hai. dRuShTi chAron or nahIn jAtI hai. dRuShTiko ek chaitanya par sthApit karatA hai. gnAn bhI chaitanya par jAtA hai aur dRuShTi bhI jAtI hai. lekin gnAn sab jAnatA hai.

rAg aur shuddhAtmA, dononke svabhAv pragaTarUpase bhinna hai. rAg AkulatArUp hai, chAhe jaisA uchcha koTikA rAg ho to bhI vah AkulatA (rUp hai), andar vichAr kare to vah AkulatA rUp hai. vah koI shAntirUp nahIn hai. AtmAmen shAnti utpanna nahIn karatA. rAg to vibhAv hai. ashubh evan shubh donon rAg hai, AkulAtarUp hai. aur usase bhinna jAnan svarUp gnAn hai-gnAyak, vah shAntirUp hai. usamen AkulatA nahIn hai. gnAn jo jAnanevAlA hai vahI main hUn. yah rAg aur AkulasvarUp-AkulatArUp aur dukharUp pariNati vah merA svarUp nahIn hai, main usase bhinna hUn. jAnanevAlA hai vah main hUn. parantu vah jAnanevAlA arthAt dUsareko jAnatA hUn, isaliye (jAnanevAlA hUn, aisA nahIn), parantu main to svayam jAnanevAlA gnAyak hUn.

samAdhAna- ... gurudevane to bahut spaShTa karake samajhAyA hai. AtmA kaisA hai? AtmA siddhasvarUp hai. gurudevane spaShTa karake samajhAyA hai, sabako jAgRut kiyA hai. aur svayam puruShArtha kare to ho sake aisA hai. gurudevane samajhAyA, main to unakA dAs hUn. unake pAs sab (samajhe hain).

gurudevane kahA hai ki AtmA paramAtmasvarUp hai, siddha bhagavAn jaisA hai. prabhutva shaktivAlA hai. vah AtmA svayam samajhe to hotA hI hai. jaise guN siddha bhagavAnamen hain, vaise hI guN AtmAmen hain. siddha bhagavAnamen kevalagnAn, kevaladarshan, chAritra Adi hain, aise hI guN shaktirUpase pratyek AtmAmen hain. usamen sahaj gnAn, darshan, chAritra, kevalagnAn shaktirUp hai. kevaladarshan shaktirUp, chAritra shaktirUp, Ananda shaktirUp, sab guN shaktimen bharapUr bhare hain. usamense ek bhI kam nahIn huA hai.

ananta kAl gayA, ananta bhav hue, nigodamen gayA aur chAron gatimen bhaTakA to bhI AtmA to vaisA kA vaisA dravyadRuShTise siddhasvarUp hai. parantu vah pahachAnatA nahIn hai, dRuShTi bAhar hai isaliye AtmAko pahachAnatA nahIn hai. use bhrAnti ho gayI hai. AtmAko pahachAne to ho sake aisA hai. AtmA siddha bhagavAn jaisA hai.