main ek shuddhasvarUpI AtmA hUn. chAhe jitane bhav kiye, phir bhI AtmA ekasvarUp hI rahA hai. anek prakArake vibhAv hue to bhI shuddhatAse bharA shuddhAtmA ... vibhAvakA bhI andar pravesh nahIn huA hai. kisI bhI vibhAvasvarUp AtmA nahIn huA hai, kisI anek svarUp bhI AtmA nahIn huA hai. aisA AtmA shuddha svarUpI, ek svarUp AtmA, aisA AtmA koI varNa, gandha, ras, sparsharUp nahIn huA hai. AtmA arUpI hai. usamen koI varNa, gandha, ras Adi nahIn hai. aisA AtmA arUpI AtmA hai. gnAn, darshanase bharapUr bharA AtmA hai aur koI adabhut vastu hai.

koI anya paramANu mAtra bhI AtmAkA svarUp nahIn hai. AtmA apanI pratAp sampadAse bharA hai. usakI pratAp sampadA ananta-ananta bharI hai. parantu vah use pahachAnatA nahIn hai. use pahachAne, us par dRuShTi kare, usakA vichAr kare, usakI jignAsA kare, usakA bhedagnAn kare ki yah vibhAv so main nahIn hUn, parantu yah gnAnasvarUp gnAyak so main hUn. usakA asAdhAraN lakShaN gnAn hai, us gnAn dvArA pahachAnamen Aye aisA hai. parantu ananta guNonse bharA atyant mahimAvant atyant vibhUtise bharA AtmA hai. usakA gnAn usake lakShaN dvArA pahachAnamen AtA hai.

yah vibhAvabhAv AkulatArUp hai aur AtmAkA svAd shAnti, Ananda hai. usakA svAdabhed hai, usakA lakShaNabhed hai. usakA bhedagnAn karake pahachAne. ananta kAlase ekatvabuddhi ho rahI hai. usakA bArambAr abhyAs karake main bhinna chaitanya siddha bhagavAn jaisA AtmA hUn, (aisA) bArambAr abhyAs kare to hotA hai.

jo gurune kahA, jinendra dev, guru, shAstramen jo AtA hai, use svayam vichAr karake nakkI kare. gurudevane jo vachan kahe, un vachanonko pramAN karake svayam vichAr kare. antaramen nirNay kare. dev-guru-shAstrakI bhakti aur antaramen gnAyakakI bhakti, gnAyakakI shraddhA, gnAyakakA gnAn aur vibhAvase bhinna hokar gnAyakakI mahimA kare. vah na ho tabatak bAharamen dev- guru-shAstra, usake nimitta.. usake mahAn nimitta hain. prabal nimitta hai, parantu svayam puruShArtha kare to hotA hai. antaramen svayam gnAyakakI shraddhA kare, usakA gnAn kare, usakI mahimA kare aur vibhAvase bhinna hokar, nyArA hokar pahachAne to pahachAn sake aisA hai. yah sab AkulatA lakShaN hai vah main nahIn hUn, main to nirAkul lakShaN gnAyak hUn. aisA bhedagnAn karake antarase bhinna paDe to vah pahachAnA jAy aisA hai.

bhedagnAn kare, gnAtAdhArAkI ugratA kare. kShaN-kShaNamen main gnAyak hUn, yah main nahIn hUn, is prakAr antarase bhinna paDe to siddha bhagavAn jaisI use svAnubhUti hotI hai aur siddha bhagavAn jaisA ansh use pragaT hotA hai. svAnubhUtikI dashA koI adabhut hai. vah gRuhasthAshramamen ho to bhI kar sakatA hai. phir vah Age baDhatA hai, bAdamen munidashA AtI hai. vikalpajAl