samAdhAna- pahale shraddhAn karanA. pahale shraddhAn muktikA mArga hai. chAritra bAdamen AtA hai. sachchA shraddhA kare to chAritra hotA hai. shraddhAn binA chAritra kaise ho sakatA hai? sachchA chAritra nahIn hotA. samajhe binA chalane lage to mArgako samajhe binA kahAn jAyagA? bhAvanagar jAnA hai to UlaTA chalegA, samajhe binA. shraddhAn ho ki yah bhAvanagarakA mArga hai. us mArgakA shraddhAn karanA. main gnAyak hUn, meremen sabakuchh bharA hai. usakA bhedagnAn karake vibhAv merA svabhAv nahIn hai, main gnAyak hUn, usakI shraddhA karake yathArtha bhItaramense usamen lInatA kare. visheSh lInatA karaneke liye chAritra hotA hai.
mumukShu- khAlI chAritrakA pAlan karanese kuchh nahIn hotA?
samAdhAna- akele chAritrakA pAlan karanese kuchh nahIn hotA. shubhabhAv hotA hai, puNyabandha hotA hai, devalokamen jAtA hai. graiveyak upajAyA.
mumukShu- nigodamen AyegA yadi samyagdRuShTi nahIn huA to?
samAdhAna- hAn, samyagdRuShTi nahIn huA to nigodamen bhI jAyagA. to nigodamen bhI jAyagA. paribhramaN nahIn TUTegA. munivrat dhAr anant bair graiveyak upajAyo. munivrat dhAraN karake ananta bAr graiveyak gayA, vahAn bhavabhramaN TUTA hI nahIn. samyagdarshan karanese bhavabhramaN TUT jAyagA.
mumukShu- isakA kyA pramAN hai ki hamAre manuShyake bhav pUre hI ho chUk hain yA abhI kuchh bAkI rah gaye hain? Ageke bhavonke liye kyA patA hai ki manuShyabhav hai yA nahIn hai?
samAdhAna- apanA pariNAm dekh lenA ki main kaise pariNAm karatA hUn? Age kyA? jaise pariNAm hove aisA phal milatA hai. kaisA pariNAm bhItaramen hotA hai? pariNAmamen kaluShitatA aur bahut bAharakI lubdhatA, ruchi hove to main... jaisA usakA pariNAm, vaisA usakA bhava. mere pariNAm kaise hote hain, yah dekh lenA. main antaramense kitanA bhinna rahatA hUn? mujhe AtmAkI kitanI ruchi hai? yah sab dekh lenA. pariNAmamen atyant ekatvabuddhi hai to jaisA pariNAm (vaisA) usakA phala.
bhav milanese kyA hotA hai? bhItaramen AtmAkI ruchi karanese bhavakA abhAv hotA hai. bhav to devakA bhav ananta bAr milA aur manuShyakA bhav bhI ananta bAr milA. sabakuchh mil chukA hai. shubhabhAv karanese puNyabandha hove to devalok hotA hai, manuShyabhav hotA hai shubhabhAvase, parantu bhavakA abhAv to nahIn huA. bhavakA abhAv kaise ho, vaisA karanA chAhiye.
mumukShu- bhavakA abhAv karaneke liye anubhUti prApta karanI hai.
samAdhAna- anubhUti prApta kare to bhavakA abhAv hotA hai.