248 dhAraN hI nahIn karanA hai. yah deh hai, deh chhUTakar (muktiko prApta honge). unakA sharIr hI bhinna ho gayA hai. ve to bole bhI alag, jamIn par bhI nahIn chalate hain, kevalagnAnI to jamInase Upar chalate hain. Upar AkAshamen chalate hain. kevalagnAnI yahAn to dikhAI bhI nahIn dete.
mumukShu- jIv chhUTaneke bAd ... turanta dAkhil hotA hai yA thoDA kAl jAtA hai?
samAdhAna- nahIn, kAl nahIn jAtA hai. jIv yahAnse chhUTaneke bAd turanta dUsarI gatimen jAtA hai. bIchamen rukatA nahIn. turanta hI dUsarI gatimen jAtA hai. phiranekA koI kAraN nahIn hai. use turanta hI jis prakArake karma ho, jaisI gatikA bandha ho usI gatimen usI samay utpanna ho jAtA hai. ek antarmuhUrtamen.
mumukShu- dUsarI gati to hotI hI hai? samyagdRuShTi ho to bhI?
samAdhAna- hAn, usakI gati hotI hai. kyonki abhI pUrNa nahIn hai. samyagdRuShTi yAnI pUrNa dashA nahIn hai. svAnubhUti hotI hai, parantu svAnubhUtimense bAhar Ate hain.
mumukShu- thoDI kShaN Aye phir chalA jAtA hai?
samAdhAna- svAnubhUti hotI hai, phir bAhar AtA hai. bAhar AtA hai to bhI usakI dashA alag rahatI hai. parantu svAnubhUti use pUrNarUpase TikatI nahIn hai, isaliye use bhav hotA hai. kevalagnAnIko to svAnubhUti pUrNa ho gayI hai, bAhar hI nahIn Ate hain. ve to svarUpamen samAye so samAye bAhar Ate hI nahIn.
mumukShu- siddha hI ho gaye.
samAdhAna- hAn, siddha ho gaye-pUrNa ho gaye. samyagdRuShTi hai use svAnubhUti hotI hai, parantu bAhar AtA hai. bAhar Aye to bhI use AtmA to hAjir hI rahatA hai. parantu upayog bAhar jAtA hai. bAkI bhinna rahatA hai. shrImadamen AtA hai na, "tethI deh ek dhArIne jAshun svarUpadesh'. samyagdRuShTi ho to bhI use deh dhAraN karanA bAkI rahatA hai.
mumukShu- vedAntamen kahate hain ki jIv thoDI der gati dhAraN karanese pahale bhramaN hotA hai.
samAdhAna- nahIn, bhramaN nahIn hotA hai, bhramaN nahIn hotA hai. jIv bIchamen ghumatA nahIn hai.
mumukShu- usake liye jo ...
samAdhAna- kahAn soye?
mumukShu- jIv svabhAv to jAnanA-dekhanA hai.