samAdhAna- mithyAtva isI prakArakA hai. mithyAtva to ek hI prakArakA hai. jUThI bhrAnti. jUThe dev-guru-shAstrako mAne aur antaramen sharIrake sAth ekatvabuddhi vah bhI mithyAtva hai. vibhAvake sAth (ekatvabuddhi). usakI samajhan bhinna-bhinna nahIn hai. vah to koI artha alag kare, samajhan alag (hotI hai).
mumukShu- sampradAyamen aisA hai ki ... Apako shivako nahIn mAno to vah mithyAtva hai.
samAdhAna- vah svayamko vichAranA chAhiye ki satya kyA hai? sab sampradAyavAle alag-alag kahe. sachche dev, sachche guru kaun hai usakA svayamko vichAr karanA paDatA hai. jise AtmAkI jignAsA ho vah svayam hI vichAr kar letA hai ki sachche dev, sachche guru, sachche shAstra kise kahate hain. vah svayamko hI vichAranA paDatA hai. sab sampradAyavAle to.. jahAn svayam janma dhAraN karatA hai, jIv jahAn janma dhAraN karatA hai vahAn svayam apanA mAn letA hai ki is dharmamen mainne janma liyA hai isaliye yah merA satya hai. aur us dharmamen aisA Aye ki kRiShNako mAno, shivako mAno, isako na mAno, vah to mithyAtva hai. sab sampradAyavAle aisA kahe to svayamko vichAr karake nakkI karanA paDatA hai ki satya kyA hai? vah to nakkI karanA paDatA hai.
mumukShu- Apta puruShane kahA huA vachan mAnanA, to Apta puruSh kise mAnanA?
samAdhAna- Apta kaun hai, vah svayamko nakkI karanA paDatA hai. shrImadamen AtA hai na? ki jignAsuke netra satpuruShako pahachAn lete hain. usakA hRuday us prakArakA ho jAtA hai ki satya kyA hai, aisI antaramense use jignAsA pragaT hotI hai ki satya kyA hai? sachche guru kaun hai? vah svayam hI unakI vANI parase, unakI vANIkA kahAn jor AtA hai? unakA amuk prakArake parichayase nakkI kar letA hai ki yahI sachche dev hain.
mumukShu- jise ruchi hogI vahI Apta puruShako pahachAn sakegA na? jo mithyAtva hai vah pahachAn sakatA hai?
samAdhAna- mithyAtvI ho to bhI jo jignAsu hotA hai, satakA jignAsu ho, bhale mithyAtva hai use, parantu jise satya samajhanekI ruchi hai ki mujhe satya kahAn prApta hogA? satako khojanevAlA, bhale use ekatvabuddhi hai, parantu andarase use jignAsA huyI hai ki mujhe satyA kahAn prApta hogA? vah satyakI parIkShA karanevAlA jo hai vah pahachAn sakatA hai. mithyAtva ho to bhI satpuruShako pahachAn sakatA hai ki yah satpuruSh hai. usakI hRudayakI pAtratA aisI ho jAtI hai ki vah satpuruShako pahachAn letA hai. lekin utanI pAtratA taiyAr honI chAhiye.
mumukShu- .. kahA hai ki banArasIdAsajI jahAn bhUl karate hain vah ham samajh sakate