manda hotI hai to puruShArtha shurU nahIn hotA. kAraN nahIn hotA hai to kArya nahIn AtA hai. apanA hI kAraN hai, dUsarA koI kAraN nahIn hai.
mumukShu- ruchikI tIvratA kaise ho?
samAdhAna- sabakA ek hI kAraN hai. kare to hotA hai, nahIn kare to nahIn hotA hai. kAraN apanA hI hai. jo bAharamen aTak jAtA hai vah nahIn aTake aur bhItaramen jAye to hotA hai. bAharamen aTakanese nahIn hotA hai. ek hI kAraN apanA hai, dUsare kisIkA kAraN nahIn hai.
mumukShu- dinabhar vichAr to chalatA hai, dinabhar bhedagnAnakA vichAr chalatA hai. vah TikatA nahIn hai, bAharamen pravRuttimen man jAtA hai. dUsarekA vichAr to AtA hai, man jAtA hai, usamen .. kaise Aye?
samAdhAna- bAhar to bhItaramen anAdikA abhyAs hai to bAhar jAtA hai. shubh pariNAmamen bhI rahatA hai. parantu shubh bhI chaitanyakA mUl svabhAv nahIn hai. shubh apanA svabhAv nahIn hai. jab bhItaramen shuddhAtmA nahIn pragaT hove, tab tattva vichAr, dev-guru- shAstrakI mahimA Adi sab hotA hai. parantu aisI lagan to honI chAhiye ki jo- jo kArya hove usamen main gnAyak hUn, main chaitanya hUn. aisI bhItaramense, Upar-Uparase nahIn, antaramense apanA puruShArtha karanA chAhiye.
jaise sphaTik nirmal hai, vaise main nirmal hUn. Upar jo pratibimb dikhatA hai vah merA svabhAv nahIn hai. main to nirmal hUn. aisA bArambAr, bArambAr, bArambAr usakA abhyAs karanA chAhiye. us rUp jab pariNati hove tab ho sakatA hai. abhyAs karanA chAhiye. bAharakA abhyAs kaise karatA hai? bAharakA to anAdikA abhyAs hai to aise hI chalatA rahatA hai. utanA abhyAs bhItaramen karanA chAhiye, jarAsA kare phir (chhUT jAtA hai). ruchikI kShati hai. ruchi karanA, apanA hI kAraN hai, dUsarA koI kAraN nahIn hai.
akAraN pAriNAmik dravyakA koI kAraN nahIn hai, apanA kAraN hai. anAdi kAlase paribhramaN kiyA to apane kAraNase. aur nahIn hotA hai apane kAraNase. jo hotA hai apane kAraNase hotA hai. dUsarA koI karatA nahIn. dev-guru-shAstra nimitta hain. upAdAn to apanA hai, apaneko karanA paDatA hai, dUsarA koI karatA nahIn.
mumukShu- apanA ... kyon nahIn karanA chAhatA hai?
samAdhAna- .. nahIn karanA chAhatA hai, lekin aisA bolatA rahe yA aisA raTan karatA rahe ki isamen dukh hai, sukh nahIn hai, aisA hai, vaisA hai. puruShArtha nahIn kare to kaise hove? chAhatA nahIn hai. sukh to sab ichchhate hain. bolanese nahIn hotA hai. kArya karanese hotA hai.