ratnatray pragaT hote hain aur pUrNa paryAy pragaT hotI hai. akele ansh par dRuShTi karanese nahIn, pUrNa dravya par dRuShTi karanese kAryashuddha paryAy pragaT hotI hai.
mumukShu- mAtAjI! gnAyakako jo pakaDanA hai, gnAyakako, to vartamAnamen to ... vishva dikhatA hai. gnAyak apragaT hai, ab gnAnamen rAgAdi khyAlamen Ate hain ki yah rAg hai yA yah kaShAy hai athavA parapadArtha hai. us gnAnase gnAyakako bhinna karake pakaDanA kaise?
samAdhAna- use bhinna karake pakaDanA ki yah jo rAg dikhatA hai, yah dikhatA hai, vah dikhatA hai, dikhAI detA hai vah main nahIn, parantu use jAnanevAlA main hUn. use bhinna karake (jAne). jo ekatvabuddhi ho rahI hai, yah rAg dikhatA hai, yah dikhatA hai, bAharakA dikhatA hai, sab dikhatA hai, parantu jo dikhAI detA hai vah vastu main nahIn hUn, parantu usamen jAnanevAlA (main hUn). sab paryAyen chalI jAtI hai, usake bIch jo jAnanevAlA rahatA hai, vah jAnanevAlA main gnAyak hUn. us gnAyakako grahaN kar lenA, usakA astitva grahaN kar lenA. paryAy jo sab hotI hai, usake bIch jo dravya rahatA hai, jo jAnanevAlA akhaNDa hai, vah main hUn. aise usakA astitva grahaN kar lenA. usakA gnAyakarUp astitva hai.
mumukShu- puruShArtha karanekI yukti sUjh jAy to mArgakI ulajhan Tal jAya.
samAdhAna- puruShArtha karanekI yukti arthAt jo mArga hai, vah mArga use andarase sUjh jAy ki yah sab jo vibhAv hote hain vah main nahIn hUn, parantu main chaitanya hUn. aisI sUkShma dRuShTi karanekI kalA, usakI kalA, bhedagnAn-bhedavignAnakI kalA yadi hAthamen A jAy to pragaT ho jAya. ulajhan Tal jAya.
lekin vah kalA pragaT karaneke liye utanI taiyArI chAhiye, utanI mahimA, utanI jignAsA, utane tattvavichAr, utanI gaharAI ho to pragaT hotA hai. to usakI kalA sUjhe. kal sUjhaneke liye utanA dhairya, utanI antaramense jignAsA chAhiye to kalA pragaT hotI hai, to ulajhan Tale.
mumukShu- ... prApta nahIn hotA, samyakatva banA rahe aur paryAy badal jAy, manuShyaparyAyase devaparyAy ... mAtAke peTamen nav mahine aise hI rahatA hai to kyA samyakatva banA rahatA hai?
samAdhAna- pUrNatA nahIn hotI hai to bhI samyagdarshan rahatA hai. ek bhavase dUsare bhavamen. dev manuShyabhavamen jAtA hai to jisako kShAyik samyagdarshan hotA hai to mAtAke garbhamen bhI usako rahatA hai. samyagdarshan rahatA hai. tIrthankar bhagavAn mAtAke garbhamen Ate hain to tIn gnAn lekar Ate hain. mati, shrut aur avadhi tIn gnAn unako hote hI hain. chhUT nahIn jAte.