parase vibhakta. arthAt parakI orase vibhakta bhedagnAn aur chaitanyakI or ekatva (ho)
ki main chaitanya hUn. is prakAr apane astitvako abhedarUpase grahaN karatA hai.
mumukShu- udayagat jo vismRut ho jAtA hai, bAharake jo bhI uday Aye usamen juD jAte hain, chhUT jAtA hai, abhyAs nahIn hai na.
samAdhAna- hAn, uday hai use vah jAnatA hai. uday karma nahIn karavAtA hai, apanI asthiratAke kAraN hotA hai. vah jAnatA hai ki mere puruShArthakI mandatA hai. lekin vah vibhAvasvabhAv hai, merA svabhAv nahIn hai.
mumukShu- is prakAr bhinna karatA jAy?
samAdhAna- hAn, use bhinna karatA hai ki yah puruShArthakI mandatAse hotA hai, use bhinna karake merA svabhAv gnAyak hai. is prakAr bhinna karatA hai. vahI bhavakA abhAv honekA upAy hai aur vahI sukhakA upAy hai.
mumukShu- satat yahI karanekA hai?
samAdhAna- hAn, vahI karanekA hai, karanA yahI hai. chaitanyakI or ekatvabuddhi aur parase vibhakta, yah karanA hai.
mumukShu- anAdikAlase jo kartAbuddhi hai vah usamen dauD jAtI hai. usamense vApas muDanA hai.
samAdhAna- kartAbuddhi (hai ki) main parako kar sakatA hUn, main parako rakh sakatA hUn, aisI jo parake sAth kartRutvabuddhi hai. par to svayam pariNamatA hai, use-par padArthako svayam kar nahIn sakatA. vibhAvaparyAy apanI asthiratAse hotI hai. hotA hai chaitanyakI paryAyamen parantu vah apanA svabhAv nahIn hai, is prakAr use jAnatA hai. usakA gnAyak hotA hai.
... tere AtmAmen sab bharA hai. tere AtmAkA astitva grahaN kara. usamen gnAn, Ananda aur sukh sab bharA hai. isaliye tU (usamen) jA. usamen tujhe suhAy aisA hai. vah tere rahanekA sthAn hai, vah tere sukhakA dhAm hai, usamen tU jA. to tujhe usamense sukh pragaT hogA. rahanekA sthAn, ThikAnA ho to vah chaitanya hai.
mumukShu- bAharamen kahIn achchhA na lagatA ho to hI isamen achchhA lage aisA kyon?
samAdhAna- bAharamen achchhA na lagatA ho to hI achchhA lage, nahIn to kahAn- se? bAharakI ruchi jise lagI hai, use AtmAkI ruchi nahIn hai. jise AtmAkI ruchi lage use bAharakI ruchi TUT jAtI hai. bAharamen jise ruchi aur tanmayatA hai, use AtmAkI lagan nahIn hai, vah AtmAkI or jA nahIn sakatA. anAdi kAlase svayam bAharamen tanmay