hokar rahA hai. isaliye AtmAkI lagan nahIn lagAyI hai, usamen ananta kAl vyatIt ho gayA hai. AtmAkI ruchi lage to hI AtmAmen jA sake aisA hai.
bahut log kahate hain, kahIn achchhA nahIn lagatA, achchhA nahIn lagatA. parantu tere AtmAkA astitva grahaN kara. vah tere rahanekA sthAn hai. usamen tujhe achchhA lage aisA hai, vah sukhakA dhAm hai. isaliye tU use grahaN kar aur us jAtakA puruShArtha kara. to usamense hI sab sukh pragaT hogA. parantu bAhar ruche nahIn to hI andar jA sake aisA hai. bAhar jise ruche usake liye to bAhar sansAr khaDA hI hai.
mumukShu- andaramen sukh dekhA nahIn hai to kaise vishvAs kare?
samAdhAna- sukhako dekhA nahIn hai, parantu bAhar kuchh ruchatA nahIn aur sukhako ichchhatA hai, sukhakI ichchhA hai. use bAhar kahIn chain nahIn hai, ruchi nahIn hai to sukhakA ek padArtha jagatamen hai, use tU tere vichArase grahaN kara. tattvako grahaN kar, usImen sukh hai. jo dev-guru aur shAstra batA rahe hain, munionne pragaT kiyA hai. ananta tIrthankaronne sukhakA dhAm pragaT kiyA hai aur sab mahApuruShonne batAyA hai. isaliye tU vichAr kar to AtmAmen hI sukh hai. tujhe dikhAI nahIn detA hai. jo tIrthankaronne mahApuruShonne, gurune jo kahA hai, tU tattvakA vichAr karake andar dekh to tujhe bhI dikhAI degA. to terA AtmA hI andarase javAb degA.
tU tattvakA svabhAv andar dekha. jAnanevAlA andar virAjatA hai, ye kuchh nahIn jAnatA hai. jAnanevAlA virAjatA hai, usamen sukh hai. tU vichAr kar to tujhe pratIt hue binA nahIn rahegA. usI mArga par ananta tIrthankar mokShamen gaye hain aur unhonne vah mArga batAyA hai. usakA tU vishvAs lAkar antaramen vichAr kar to tujhe vishvAs Aye binA nahIn rahegA.
mumukShu- rAg aur dveShake pariNAmamen aTak jAte hain. kuchh samajhamen nahIn AtA. aisI ulajhan hotI hai...
samAdhAna- svayamkI ruchi nahIn hai. ruchi manda hai isaliye aTak jAtA hai. puruShArtha adhik karanA. adhik puruShArtha karanA, ruchi jyAdA baDhAnI. puruShArtha manda ho jAy to bArambAr usakA abhyAs karanA. bAhar kahIn par ruchi lage to usakA prayatna karatA hI rahatA hai. bAharakI ruchi ho to bAharakI mahenat athavA koI bhI kAmakI jimmedArI lI ho to karatA hI rahatA hai, usake pIchhe lag jAtA hai. to isakI ruchi lage to usake pIchhe lagakar bArambAr prayatna kare to hotA hai. kiye binA nahIn hotA.
mumukShu- utAvalI karanese nahIn hotA.
samAdhAna- utAvalI karanese nahIn hotA hai, svabhAvako pahachAnakar hotA hai, dhairyase