156 bArambar usakA manthan karate-karate makkhan bAhar Aye. vaise sva-orakA abhyAs kare to nirAlA honekA prayatna ho. kisIko ho use antarmuhUrtamen hotA hai. na ho use der lagatI hai, parantu usakA abhyAs karatA rahe, chhoDe nahIn, usamen thake nahIn, parantu bArambAr abhyAs kare. usakI AkulatA nahIn, dhairyase aur bhAvanA karake bhI us or abhyAs kare to hotA hai. bAkI chaitanyadravya to anAdiananta ananta shaktionse bharapUr hai. usamen usakI ek bhI shakti nahIn huyI hai. ananta kAl huA to bhI shaktiyAn paripUrNa hain. paripUrNa shaktionkA bhaNDAr ananta mahimAse bharapUr hai. ananta adabhUtatA usamen bharI hai. aisA chaitanyadravya hai. usakI mahimA karake us or jAy, usakA bhedagnAn kare to hue binA rahatA hI nahIn.
mumukShu- manamen ek prashna yah uThatA hai ki udhar yadi dekhabhAl nahIn karenge to kaise kAm chalegA? dukAnakA bigAD ho jAyagA, ghar kharAb ho jAyagA, yah prashna andaramen bahut chalatA hai.
samAdhAna- vah to apanA rAg hai, vikalpa hai. jo honevAlA hotA hai vah hotA hai. rAgake kAraN sab vikalpa Ate hain ki ye kharAb ho jAyagA. rAgake kAraN prayatna hotA hai, bAkI jo honevAlA hai vahI hotA hai. svayam puruShArtha kare to hogA, aisA nahIn hotA. parantu apane rAgake kAraN use vikalpa Ate rahate hain.
ananta kAl huA. yah manuShyabhav durlabhatAse milatA hai. usamen is panchamakAlamen aise gurudev mile, aisA mArga batAyA, aisA mArga batalAnevAle koI nahIn hai. sab kriyAmen dharma mAnate the, shubhabhAv-puNyabhAvamen dharma (mAnate the). usamen shuddhAtmAmen dharma batAnevAle gurudev mile. manuShyabhavamen AtmAmen kuchh ho to vah saphal hai. manuShyajIvan chalA jAy... manuShyabhavamen hI usake gahare sanskAr boye, bhedagnAn kare, bhinna AtmAko jAne to saphal hai. bAkI bAharakA chAhe jitanA dhyAn rakhe to bhI jo honevAlA hotA hai vah hotA hai, apane hAthakI bAt nahIn hai. kuchh bhI kare to bhI honevAlA hai.
parantu yah chaitanyadravya to apane hAthakI bAt hai. puruShArtha kare to pragaT ho aisA hai. apanI mandatAke kAraN ananta kAl vyatIt kiyA hai. isaliye aisA puruShArtha, andar apanI mahimA lagakar us or puruShArtha karanA chAhiye. antaramen sab bharA hai. svagharamen ananta nidhi bharI hai. usamen gnAn, darshan, chAritra sab svamense pragaT hotA hai, paramense nahIn AtA hai.
ananta gnAn, ananta shakti bharI hai, ananta Ananda bharA hai. vikalpa TUTakar svAnubhUti ho to usamense ananta Ananda pragaT hotA hai. sab chaitanyamense pragaT hotA hai, bAharase kuchh nahIn AtA. bAharakA to honevAlA hotA hai vah hotA hai. isaliye is manuShya