mumukṣuḥ- koī pahalū bākī na rahe, samajhāneke liye.
samādhānaḥ- sabhī pahalūon̐-se samajhāyā hai. śarīr-se bhinna, vikalpoṁ-se, śubhāśubh- se bhinna, andar kṣaṇik paryāyoṁmeṁ bhī tū aṭakanā mata. tū śāśvat caitanya (hai) use tū grahaṇ kara. bīcameṁ śubhabhāv āye lekin vah terā svarūp nahīṁ hai. tū koī guṇoṁke bhed yā koī bhedameṁ aṭakanā mata. bhale teremeṁ ananta guṇ haiṁ, parantu tū koī bhedameṁ aṭakanā mata. akhaṇḍa caitanya par dr̥ṣṭi kara. sab jñānameṁ grahaṇ kar (-jān), parantu tū ek akhaṇḍa caitanyako grahaṇ kara. cāroṁ or-se samajhāyā hai.
... jānanevālā hai. sab vikalpake bīc jo jānanevālā hai vah maiṁ hū̃n. usakā bhedajñānakā prayatna karanā. ye sab vikalpa, koī bhī vikalpa ho, vikalpake bīc maiṁ ek jānanevālā jñāyak ek caitanya tattva hūn̐, śāśvat ek ātmā hū̃n. use pahacānanekā prayatna kara. upayog bāhar jāy to dev-guru-śāstrakī mahimā, jinendra dev, gurune kyā kahā hai, koī apūrva mārga batāyā, śāstrameṁ kyā kahanā hai? aur aṁtarameṁ jāy to ek ātmā. ātmāke dhyeyapūrvak sab honā cāhiye.
cāhe jaise ūn̐ce śubhabhāv ho, parantu śubhabhāv bhī ātmākā svarūp nahīṁ hai. bīcameṁ śubhabhāv āte haiṁ, parantu vah svarūp-ātmā usase bhinna hai. siddha bhagavān jaise nirvikalpa tattva hai, vaisā hī ātmā nirvikalpa tattva hai, use pahacānanekā prayatta kara. usakī lagan, mahimā, usakā vicār, usakā vāṁcan sab karanā. usakā bhedajñān kaise ho? caitanya akhaṇḍa tattva hai, use grahaṇ karanā, use grahaṇ karanekā prayatna karanā aur parake sāth jo ekatvabuddhi ho rahī hai, vibhāvake sāth, us vibhāvase kaise bhinna paḍe aur ātmā grahaṇ kaise ho, yah karane jaisā hai.
ātmākā astitva kaise grahaṇ ho? aur ye vibhāvase vibhakta-bhinna kaise paḍe? yah karaneke liye vicār, vāṁcan ādi sab karanā hai. ananta janma-maraṇ kiye lekin bāhar kahīṁ-kahīṁ kriyāoṁmeṁ isase dharma hogā, isase dharma hogā (aisā mānā). dharma aṁtarameṁ rahā hai. aṁtar ātmāko pahacāne usīmeṁṁ dharma hai. dharma ātmākā svabhāv hai, vah svabhāv kaise pahacānameṁ āye?