Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-5)

320 apanā jñāyakakā astitva choḍā nahīṁ hai aur jñāyak jñāyakarūp pariṇamatā hai. lekin use usakā jñān aur śraddhān nahīṁ hai. usakī dr̥ṣṭi bāhar hai.

vah aisā hai ki, jaise jaḍ apane svarūpako choḍatā nahīṁ hai, vaise caitanya apane svarūpako choḍatā nahīṁ hai. svayaṁ anubhūtisvarūp hī hai. jñān asādhāraṇ lakṣaṇ hai ki jñān jñānasvarūp svayaṁ pariṇamatā hai. lekin use usakī anubhūti nahīṁ hai. anubhūti arthāt use ānandakī anubhūti nahīṁ hai. parantu svayaṁ apane anubhūtisvarūp arthāt caitanya caitanyarūp pariṇamatā hai. arthāt jñān jñānarūp-se anubhavameṁ ā rahā hai. lekin usako svayaṁko vah mālūm nahīṁ hai ki maiṁ caitanya svayaṁ astitva svarūp hū̃n. usakā astitva usane grahaṇ nahīṁ kiyā hai, lekin astitvakā nāś nahīṁ huā hai. vah anubhūtisvarūp hī hai. ātmā svayaṁ anubhūtisvarūp hai. lekin us anubhūtikā svayaṁne anubhav nahīṁ kiyā hai. aisā usakā artha hai.

mumukṣuḥ- dr̥ṣṭikī bhūl hai, yah batānā hai.

samādhānaḥ- dr̥ṣṭikī bhūl hai, yah batānā hai. usakī dr̥ṣṭikī bhūl hai. usakī dr̥ṣṭi bāhar hai. jaise dūsaroṁkī ginatī karatā hai ki yah ādamī hai, yah ādamī hai, lekin svayaṁko ginanā bhūl jātā hai. aise svayaṁ sab bāhar dekh rahā hai. bāharakā hai, lekin maiṁ svayaṁ caitanya hūn̐, usake astitvakā nāś nahīṁ huā hai, lekin vah svayaṁko bhūl gayā hai. apanā astitva anubhavameṁ ā rahā hai. parantu us astitvakī ānandakī anubhūti nahīṁ hai.

anubhūtisvarūp svayaṁ hone par bhī use ānandakī anubhūti nahīṁ hai. jñān asādhāraṇ lakṣaṇ hai ki jis lakṣaṇ-se svayaṁ apaneko pahacān sake aisā hai. vah jñān-jñāyakatākā nāś nahīṁ huā hai, jñān jñānarūp pariṇamatā hai. lekin svayaṁ us jñāyakatārūp nahīṁ huā hai. isaliye usakī or dr̥ṣṭi kare, usakā jñān kare, usakā ācaraṇ kare to use ānandakī anubhūti pragaṭ hotī hai. usakī śraddhā nahīṁ karatā hai, svayaṁ svayaṁkā yathārtha jñān nahīṁ karatā hai.

yadi pratīti niḥśaṁk ho to usakā ācaraṇakā bal bhī baḍh jātā hai. to usakā ācaraṇ bhī joradār apanī or hotā hai. lekin niḥśaṁkatā nahīṁ hai. dr̥ṣṭi bāhar hai, isaliye svayaṁ svayaṁko bhūl gayā hai. dekhe to jñān asādhāraṇ lakṣaṇ hai. usakā nāś nahīṁ huā hai. to bhī svayaṁ svayaṁko dekhatā nahīṁ. vah anubhūtisvarūp bhagavān ātmākā svayaṁ ānandarūp anubhav nahīṁ karatā hai. ataḥ anubhavameṁ to ā rahā hai, parantu vah ānandarūp anubhavameṁ nahīṁ ā rahā hai. jñān jñānarūp, usakā astitva astitvarūp pariṇamatā hai. aisā usakā artha hai.

< Previous Page Next Page >