Benshreeni Amrut Vani Part 2 Transcripts-Hindi (iso15919 transliteration).

ṭrek-

237

321

mumukṣuḥ- matalab vahān̐ astitva .. kahanā hai aur apanā dhyān nahīṁ rahatā hai aur apanā ānandakā anubhav nahīṁ kar rahā hai, aisā hī na?

samādhānaḥ- ānandakī anubhūti nahīṁ hai. vahān̐ anubhavakā artha aisā nahīṁ hai ki use svānubhav hai. aisā artha nahīṁ hai. svayaṁ apane svabhāvarūp pariṇamatā hai. bas! aisā usakā artha hai. ānandakī anubhūtikā artha nahīṁ hai. jñānakā nāś nahīṁ huā hai, parantu jñān jñānarūp pariṇamatā hai. usakā astitva astitvarūp hai. parantu us astitvakī use pratīti nahīṁ hai. astitva jñān jñānarūp hai, parantu us astitvakī use svayaṁko pratīti nahīṁ hai. apanī taraph yadi lakṣya kare to svayaṁko astitva grahaṇ ho aisā hai. jñān jñānarūp pariṇamatā hai, lekin vah dekhatā nahīṁ hai. usakā svabhāv hī anubhūtisvarūp hai. vah svayaṁ vedanasvarūp ātmā hai. parantu use vah pragaṭarūpase vedatā nahīṁ hai.

mumukṣuḥ- vahān̐ to pratham ātmāko jānanā aisā kahā hai, śraddhān bādameṁ, aisā liyā hai.

samādhānaḥ- jab vah svayaṁ apanī taraph jāy (usameṁ) pahale svayaṁko jñān-se pahacāne. vastu svarūp-se use pratīt yathārtha nahīṁ hai. pahale jñān yathārtha karanā, phir pratīt karanī, phir ācaraṇ karanā, kram aisā liyā hai. anādi-se svayaṁko saccī samajh hī nahīṁ hai. isaliye vyavahārameṁ aisā kahe ki svayaṁne apanā jñān yathārtha nahīṁ kiyā hai, isaliye tū yathārtha kar to śraddhā yathārtha hogī, aisā kahanemeṁ ātā hai.

bākī vāstavameṁ samyagdarśan, jñān, cāritrāṇī mokṣamārga (hai). yathārtha pratīt ho to hī mokṣamārgakā prāraṁbh hotā hai. lekin use pahale jñān karanā cāhiye. usake mārgameṁ aisā ātā hai ki tū yathārtha jñān kar, phir śraddhā hotī hai. isaliye pratham jñān karanekā ātā hai. anādikā anajānā..

mumukṣuḥ- usakā artha yah hai ki pratham śraddhā karanī to hī jñān huā aisā kahanemeṁ āye.

samādhānaḥ- hān̐, śraddhā yathārtha ho to hī yathārtha jñān hotā hai. parantu pratham samajh jūṭhī hai, isaliye pratham samajhan yathārtha kara. vyavahār-se aisā ātā hai. kathan aisā hai ki vyavahārameṁ pahale jñān yathārtha kara. sirpha kathan hai aisā nahīṁ, pahale use jānanekā bīcameṁ ātā hai. pratīti bādameṁ yathārtha hotī hai. jñān yathārtha na ho to pratīti yathārtha nahīṁ hotī hai. parantu pratīti yathārtha ho to hī jñānako yathārtha kahanemeṁ ātā hai. niścay dr̥ṣṭi-se aisā hai.

mumukṣuḥ- do bāt ātī hai.

samādhānaḥ- do bāt hai, do bāt aisī hai.

< Previous Page Next Page >