334 se bharapūr aisā caitanyadravya, usakī svānubhūti hotī hai to use aisā lagatā hai ki ye sab hamāre haiṁ. dravya, akhaṇḍa dravya par dr̥ṣṭi hai, to bhī ye sab guṇ usake jñānameṁ vartatā hai ki ye sab hamārā hai, ye koī hamārā nahīṁ hai. usakī bhāvanāmeṁ vah sab ātā hai.
dr̥ṣṭi, jñān, cāritra, anek prakārakī apekṣāen̐ sādhya-sādhak bhāvameṁ hotī hai. anekāntamayī mūrti nityamev prakāśatāma. anekānta svabhāv hai. ek taraph-se dekho to kleś-kālimā dikhe. ek taraph-se śuddhātmā dikhe, ek taraph sādhakadaśā ho. anek jātakī paryāy dikhe. ataḥ vah anekānta svarūp hai. anek apekṣāen̐ sādhak daśāmeṁṁ hotī haiṁ. aur pūrṇa ho to bhī usameṁ ananta guṇ aur ananta paryāyeṁ,...
mumukṣuḥ- .. bhedajñān vartatā hai aur saṁvedanameṁ to svabhāvake sāth abhed jñān hotā hai, to bhedajñānakī vyavasthā kyā?
samādhānaḥ- vikalpa hai vah to abhyāsarūp bhedajñān hai aur svānubhūtimeṁ bhedajñānakā vikalpa nahīṁ hai, nirvikalpa daśā hai. bīcakī sādhakadaśāmeṁ bhedajñānakī dhārā, vah use sahaj pariṇatirūp hotī hai. use vikalparūp nahīṁ hai. use, maiṁ bhedajñān karun̐, aisā nahīṁ hai. parantu use sahaj jñāyakakī dhārā aur udayakī dhārā, donoṁ bhinna dhārā sādhakadaśāmeṁ vartatī hai. udayadhārā aur jñānadhārā-jñāyakakī dhārā. donoṁ jātakī bhedajñānakī dhārā use vartatī hī hai.
śāstrameṁ ātā hai ki bhedajñān tabatak avicchinna dhārā-se bhānā ki jabatak jñān jñānameṁ sthir na ho jāya. isaliye amuk aṁśameṁ sthir na ho jāy aur pūrṇa sthir na ho jāy, vītarāg daśā na ho tabatak bhedajñān avicchinna dhārā-se bhānā. usameṁ truṭak na paḍe aisā. aisī sahaj bhedajñānakī dhārā, samyagdr̥ṣṭiko sahaj bhedajñānakī dhārā hotī hai. jñāyakakī jñāyakadhārā aur vibhāvakī vibhāvadhārā. alpa asthiratā hotī hai vah vibhāvadhārā hai. aur jñāyak jñāyakarūp pariṇamatā hai, vah vikalparūp nahīṁ hai, parantu sahaj hai. jaise ekatvabuddhikī dhārā sahaj anādi kālase cal rahī hai, usameṁ use kuch yād nahīṁ karanā paḍatā yā use dhokhanā nahīṁ paḍatā, ekatvabuddhikī dhārā (vartatī hai). vaise use bhedajñānakī dhārā aisī sahaj ho gayī hai ki jñāyak jñāyakarūp pariṇamatā rahatā hai aur vibhāv vibhāvarūpa. usakī alpa asthiratā hai isaliye vibhāvadhārā aur jñāyakadhārā donoṁ dhārā rahatī hai. phir vītarāgadaśā hotī hai, tab do dhārā nahīṁ rahatī. svānubhūtimeṁ do dhārā nahīṁ hotī.
mumukṣuḥ- donoṁ dhārā bhinna-bhinna pariṇamatī hai, vahī bhedajñānakā astitva..
samādhānaḥ- vah bhedajñān hai.
mumukṣuḥ- paryāyameṁ dravyatva nahīṁ hai aur dravyameṁ arthāt dhruvameṁ paryāyatva nahīṁ hai.