240
samyagdarśan prāpta nahīṁ huā hai. anādikālameṁ (pratham) deśanālabdhi hotī hai. usameṁ ek bār devakā, gurukā pratyakṣa upadeś milatā hai to jīvako deśanālabdhi (milatī hai). upādān apanā hai. upadeś mile, deśanāke sāth sambandha hai. aisā upādān-nimittakā sambandha hai. upādān apanā hai, parantu aisā nimittakā yog banatā hai aur andarase svayaṁkī taiyārī hotī hai. aise satsaṁgameṁ bhī satsaṁgako pahacāne to terā upādān taiyār ho usameṁ satsaṁg hājir hotā hai. satsaṁgako khoje, terī taiyārī kara. nimitta-upādān donoṁ (sāthameṁ hote haiṁ).
merī upādānakī taiyārī ho usameṁ mujhe satsaṁg satpuruṣ mere sāth hājir raho. merī sādhanāmeṁ mujhe satpuruṣ hājir raho. mujhe nimittameṁ ve ho. mere upādānameṁ mujhe ātmākā svarūp prāpta karanā hai, usameṁ satpuruṣ mere sāth ho. ve kar dete haiṁ, aisā artha nahīṁ hai. parantu nimitta hotā hai, aisā upādānakā sambandha hai. aur nimitta hotā hai aur mumukṣuko aisī bhāvanā bhī hotī hai. aur āge jānevāleko samyagdarśan ho to bhī dev- guru-śāstra taraphakī bhāvanā to rahatī hī hai. vah mānatā hai ki śubhabhāv merā svarūp nahīṁ hai, parantu bīcameṁ vah śubhabhāv āye binā rahatā nahīṁ. isaliye maiṁ āge baḍhan̐ usameṁ dev-guru-śāstra mere sāth ho.
pravacanasārameṁ ātā hai na? mere dīkṣāke utsavameṁ sab padhāranā. bhagavān padhāranā, ācārya bhagavaṁto, upādhyāy, sādhu ādi sab padhāranā. aisā kahate haiṁ. maiṁ jā rahā hūn̐ mere-se svayaṁ-se, parantu mere sāth sab padhāranā, yahān̐ ānā. aise bhāvanā bhātā hai. aisā upādān-nimittakā sambandha hai. usameṁ ruci asatsaṁgakī nahīṁ hotī, satsaṁgakī ruci hotī hai. phir bāharakā yog kitanā bane vah apane hāthakī bāt nahīṁ hai. parantu usakī bhāvanā aisī hotī hai ki maiṁ ātmākī sādhanā karun̐ usameṁ mujhe dev-guru-śāstra samīp ho, unakī sānnidhyatā ho, aisī bhāvanā use bīcameṁ rahatī hai.
mumukṣuḥ- use aisī bhāvanā to niraṁtar (rahatī hai). niraṁtar satpuruṣako icchatā hai.
samādhānaḥ- bhāvanā rahatī hai. puruṣārtha mere-se hotā hai. koī kar detā hai, aisī use pratīt nahīṁ hotī. parantu bhāvanāmeṁ aise nimitta ho ki sādhanā karanevāle, jinhoṁne pūrṇatā prāpta kī, jo ātmākī sādhanā karate haiṁ, unakā mujhe sānnidhya ho, aisī bhāvanā use hotī hai.
mumukṣuḥ- niścay aur vyavahārakī aisī sandhi hotī hai?
samādhānaḥ- aisī sandhi hotī hai.
mumukṣuḥ- aur satsaṁg karanekā bhāv ho to nimittarūpase niraṁtar satpuruṣakā satsaṁg karanekā bhāv āve.