Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

10 hotā hai, pahale usakā abhyās hotā hai. isaliye isakā abhyās honā cāhiye.

maiṁ caitanya hūn̐, jñāyak hū̃n. ye sab vibhāv hai. maiṁ usakā kartā nahīṁ hū̃n. pariṇati, apanī vibhāv pariṇati caitanyakī puruṣārthakī kamajorī-se hotī hai. lekin vah merā svarūp nahīṁ hai. maiṁ caitanya anādiananta śuddhātmā hū̃n. śuddha svarūpameṁ dr̥ṣṭi karane-se jñān, usakī līnatā karane-se śuddha paryāy pragaṭ hotī hai. isake liye bāraṁbār usakā abhyās karanā cāhiye. bāraṁbār-bāraṁbāra.

mumukṣuḥ- ... vicār yā bhāvanā.. ye kaisā patā lage ki ... yā manda rāgakā svarūp hai? ye patā kaise lagegā?

samādhānaḥ- manda rāg, vikalpa manda hove to bhī śubhabhāv ākulatārūp hai. viśeṣ sūkṣma dr̥ṣṭi-se dekhanā cāhiye, usakā lakṣaṇ pahacānanā cāhiye ki ye vikalpakā lakṣaṇ hai, jñānakā lakṣaṇ nahīṁ hai. śubhabhāv hove to bhī ākulatārūp hai.

mumukṣuḥ- maiṁ to.. vikalpa pakaḍameṁ nahīṁ ātā hai to nirvikalpa yā ... aisā kuch hai? kaise patā lage? samajhameṁ nahīṁ ātā hai ki vikalpa hai yā koī rāg hai, aisā pakaḍameṁ nahīṁ ātā. tab ... ānanda yā śāntikā vedan jo hotā hai, vah ātmik hai yā rāgakā hai, ...

samādhānaḥ- jisako saccā nirvikalpa hotā hai, vah grahaṇ kar letā hai ki yah nirvikalpa hai. usako vikalpa ṭūṭ jātā hai. vikalpa, śubhabhāv bhī ṭūṭakar nirvikalpa svabhāvameeṁ līn ho jātā hai. usake ātmākā bhedajñān ho jātā hai. ugrapane puruṣārtha karake vah svarūpameṁ aisā līn ho jātā hai ki use bāhar vikalpakā khyāl bhī nahīṁ rahatā. upayog bāhar-se haṭ jātā hai aur svarūpameṁ aisā līn ho jātā hai ki apane svarūpameṁ ananta jñān aur ānandādi ananta guṇoṁkā vedan svānubhūti ho jātī hai, apane āp use khyālameṁ ā jātā hai. jaisā siddha bhagavānakā svarūp hai, aisā āṁśik rūpase usako vedanameṁ ātā hai. usakā ugrapane jñān karane-se, ugrapane nirvikalpa svānubhūti ho jātī hai. usakā ātmā usako javāb de detā hai ki yah svānubhūti hī hai, yah vikalpa nahīṁ hai. usako śaṁkā bhī nahīṁ rahatī hai. usako bhed paḍ jātā hai aur svarūpameṁ līn ho jātā hai. bāhar upayog rahatā hī nahīṁ.

koī apūrva duniyāmeṁ calā jātā hai, caitanyakī duniyāmeṁ calā jātā hai, usako khyāl... usakā ātmā nakkī kar detā hai ki yah svānubhūti hai aur yahī mokṣakā paṁth hai. bhītarameṁ-se aisā niścay aur vedan ho jātā hai. yah svānubhūti hai, yathārtha hai. yah svānubhūti aur bhagavān kahate haiṁ, ek hī svarūp hai, dūsarā nahīṁ hai. aisā ātmāmeṁ-se aisā jor aur aisī pratīti usako ā jātī hai.

< Previous Page Next Page >