242
mumukṣuḥ- anubhūti pūrva umaṁg, ullās, romāṁcit honā yah ghaṭatā hai? yā nahīṁ ghaṭatā hai?
samādhānaḥ- vah to śubhabhāvakā romāṁc ātā hai. pūrvabhūmikāmeṁ guṇakā bhed, maiṁ jñān hūn̐, darśan hūn̐, cāritra hūn̐ aise bhed par usakā lakṣya nahīṁ hai. dr̥ṣṭi to śāśvat caitanya par hai. parantu bhītarameṁ jo romāṁc hotā hai, vah śuddhātmākā romāṁc nahīṁ hai. vah to śubhabhāvakā hai. śuddhātmākā romāṁc nahīṁ ātā, vah to apane svarūpameṁ līn ho jātā hai. svānubhūtimeṁ to bhītarameṁ-se apūrva ānanda hotā hai. pahale-se dhīre-dhīre ānanda ātā jāy, bādameṁ viśeṣ ānanda āve, aisā nahīṁ hai.
jis kṣaṇ vah svarūpameṁ līn hotā hai, jis kṣaṇ vikalpa ṭūṭatā hai, usī kṣaṇ ānanda ātā hai. pahale romāṁc hotā hai vah romāṁc ātmākā nahīṁ hai. vah romāṁc to śubhabhāvakā hai. vah romāṁc ātmā taraphakā nahīṁ hai. ullās ātā hai ki maiṁ bhītarameṁ jātā hūn̐, vah śubhabhāvakā hai.
pahale ānandakī śurūāt ho jātī hai vah bhītarakā nahīṁ hai. jab vikalpa ṭūṭatā hai, usī kṣaṇ ānanda ātā hai. jis kṣaṇ vikalpa ṭūṭ gayā aur svarūpameṁ līn huā, upayog svarūpameṁ jam gayā to usī kṣaṇ ānanda ātā hai. pahale-se ānanda śurū ho jātā hai, aisā nahīṁ hotā. vah to śubhabhāvakā ānanda hai. aur ullās ātā hai vah śubhabhāvakā hai, vah śuddhātmākā nahīṁ hai. usī kṣaṇ ānanda ātā hai.
mumukṣuḥ- śānti aur ānanda... śītalatā aur śāntikā vedan kuch pradeśoṁmeṁ ...
samādhānaḥ- nahīṁ, aisā nahīṁ. sarvaguṇāṁś so samyagdarśana. aisā hotā hai to manake dvārā kahanemeṁ ātā hai. kyoṁki manakā nimitta vahān̐ hotā hai. parantu usako ānanda to asaṁkhya pradeśameṁ khaṇḍa nahīṁ paḍatā. pūre caitanyameṁ ānanda hotā hai. usako aisā khyāl nahīṁ rahatā ki idhar-se ānanda āyā, idharas-se (āyā). vah to apane svarūpameṁ līn ho jātā hai. akhaṇḍa pradeśameṁ usako ānanda hotā hai. manakā nimitta to jo vikalpa ṭūṭatā hai, man idhar hai isaliye usako aisā lagatā hai ki idharase āyā yā śurūāt idhar-se huyī. parantu akhaṇḍa ātmāmeṁ ānanda (ātā) hai.
dravyaman hai na, vah aisā nimitta banatā hai. vikalpa idhar-se uṭhatā hai to vikalpa bhī ṭūṭatā hai, isaliye usako aisā lagatā hai ki idhar-se āyā. usakā nimitta hai. bākī asaṁkhya pradeśameṁ ānanda ātā hai. jab andhakār hotā hai usameṁ prakāś hotā hai to yah andhakār jab ṭūṭā to usī kṣaṇ prakāś huā. jab prakāś huā, vikalpa ṭūṭā usī kṣaṇ ānanda ātā hai.
jabatak śubhabhāvanā hai, vikalpa manda hai tabatak to vah andhakār hī hai. jab