246
samādhānaḥ- kisake sāth carcā huyī thī?
mumukṣuḥ- varṇījīke sātha.
samādhānaḥ- hān̐, apane puruṣārthakī mandatā-se rāgakī paryāy hotī hai. śuddhātmākī śuddha paryāy śuddhātmāke āśray-se hotī hai. aur puruṣārthakī kamajorī-se rāgakī paryāy hotī hai. karma karavātā nahīṁ. karma jabarajastī nahīṁ karavātā. ātmā svayaṁ rāgarūp pariṇamatā hai.
jaise sphaṭik harā, pīlā rūp pariṇamatā hai, vah sphaṭik pariṇamatā hai. lāl- pīle phūl usameṁ nahīṁ āte. vah to nimitta hai. pariṇaman sphaṭikakā hai. vaise pariṇaman caitanyakā hai. aur mūl svabhāv jo sphaṭikakā hai, usakā nāś nahīṁ hotā. ātmāke mūl svabhāvakā nāś nahīṁ hotā hai. usake śuddha svabhāvakā nāś nahīṁ hotā hai.
mumukṣuḥ- paryāy dravyameṁ-se nikalatī hai to nikalate-nikalate kuch kam nahīṁ hotī hai? andar-se nikalatī hai to?
samādhānaḥ- to-to dravyakā nāś ho jāya. rāg bhītarameṁ nahīṁ hai, rāgarūp ātmā pariṇamatā hai. śuddhātmākī śuddha paryāy śuddhātmāke āśray-se hotī hai. bhītar-se nikalate- nikalate (kam ho jāy) to dravyakā nāś ho jāya. aisā nahīṁ hai. dravya to ananta śakti (saṁpanna hai). ananta kāl dravya pariṇaman karatā hai to bhī dravya to aisākā aisā hai.
jñānakī paryāy ek samayameṁ lokālok jānatī hai. to bhī ananta kāl pariṇaman kare to usameṁ kam nahīṁ hotā hai. aisā koī dravyakā aciṁtya svabhāv hai. usameṁ truṭ nahīṁ paḍatī. ananta kāl pariṇame to bhī.
samādhānaḥ- ... koī kāraṇ-se dravya utpanna huā hai yā koī kāraṇ-se usakā nāś hotā hai, aisā nahīṁ hai. dravya akāraṇ svataḥsiddha anādiananta hai. aur usakā jo pariṇaman hai, vah svataḥ pariṇamatā hai. vah kisīke āśray-se pariṇamatā hai yā koī use madad kare to pariṇamatā hai, koī use viparīt kare to viparīt ho aur sulaṭā kare to sulaṭā ho, aisā nahīṁ hai. akāraṇ pāriṇāmik dravya-use koī kāraṇ lāgū nahīṁ paḍatā. vah svayaṁ pariṇamatā hai.
svayaṁ anādiananta svabhāvameṁ pariṇame usameṁ vibhāv andar usake svabhāvameṁ praveś nahīṁ karatā. aisā akāraṇ svayaṁ apane svabhāv-se pariṇamatā hai, aisā usakā svabhāv hai. aur vibhāv ho to bhī vah svayaṁ svataṁtra pariṇamatā hai. aur svayaṁ svabhāvako pragaṭ kare to bhī svataṁtra hai. usameṁ nimitta kahanemeṁ ātā hai, parantu vāstavameṁ svayaṁ pariṇamatā hai. usameṁ koī kāraṇ lāgū nahīṁ paḍatā. to hī use dravya kahā jāy ki jise koī kāraṇ lāgū nahīṁ paḍatā. koī nimittake āśray-se pariṇame, kisīkī madad-se pariṇame to us dravyakī dravyatā hī nahīṁ rahatī.