40
dravya hī use kahate haiṁ ki jise kisīkī sahāyatākī jarūrat na paḍe. usakā nām dravya hai. vah dravya anādiananta svataḥsiddha akāraṇ pariṇamatā hai. vah usakā svabhāv hai. svayaṁ apanā svabhāv kisī bhī prakār-se toḍatā nahīṁ hai. aise to pariṇamatā hai, parantu vibhāvameṁ bhī karmakā nimittamātra hai. svayaṁ pariṇamatā hai. svabhāvameṁ palaṭatā hai vah svayaṁ-se palaṭatā hai, svabhāv taraph bhedajñān karake. usameṁ dev-guru-śāstra nimitta hote haiṁ. parantu upādān svayaṁkā hai.
vah akāraṇ pāriṇāmik dravya hai ki jise koī kāraṇ lāgū nahīṁ paḍatā. abhī tak jīv svabhāv taraph kyoṁ palaṭatā nahīṁ? vah usakā svayaṁkā kāraṇ hai, kisīkā kāraṇ nahīṁ hai. use koī dūsarekā kāraṇ lāgū nahīṁ paḍatā. svayaṁ apane hī kāraṇ- se vibhāvameṁ pariṇame, apane kāraṇ svabhāvameṁ pariṇame. aisā akāraṇ pāriṇāmik dravya hai. aisā usakā pariṇaman svabhāv svataḥsiddha hai. koī use pariṇaman karavātā nahīṁ aur kisī anya-se usakā nāś nahīṁ hotā.