gauṇ) karanemeṁ ātā hai. parantu vyavahārameṁ to kevalajñānakī kaivalya daśā, vītarāg sarvajñadev (haiṁ). sādhak daśā jisane puruṣārtha karake pragaṭ kī, vah sab pūjanik kahanemeṁ ātā hai. muni daśā pūjanik kahanemeṁ ātī hai. ataḥ dr̥ṣṭi aur jñān donoṁ sāthameṁ hī hote haiṁ. akelī dr̥ṣṭi ho aur jñān yadi vivek na kare to vah dr̥ṣṭi jūṭhī ṭhaharegī.
dr̥ṣṭikā viṣay aisā hai ki ek par, ekako viṣay kare. aur jñān sab vivek kare. aur dr̥ṣṭi binākā jñān bhī yathārtha nahīṁ hai. dr̥ṣṭi mukhya ho, parantu usake sāth jñān ho to un donoṁkā sambandha hai. yadi akelā hogā to galat hogā. dr̥ṣṭimeṁ kūṭastha āyā isaliye vah saccā aur jñānameṁ kathaṁcit pariṇāmī aur apariṇāmī āyā, isaliye vah jūṭhā, aisā nahīṁ hai.
kūṭastha to (isaliye kahate haiṁ ki), dr̥ṣṭi muktike mārgameṁ mukhya hai isaliye. tūne anādi kāl-se yah saccā aur yah saccā, yah bhī saccā aur yah bhī saccā, aisā kiyā aur yathārtha samajhā nahīṁ, isaliye us pramāṇako aisā kahanemeṁ ātā hai. parantu dr̥ṣṭipūrvakakā jo pramāṇajñān hai vah to yathārtha hai. dr̥ṣṭine viṣay kiyā akhaṇḍakā, akhaṇḍakī dr̥ṣṭi binā muktikā mārga hotā nahīṁ. parantu sāthameṁ jo jñān rahatā hai, vah donoṁkā- dravya aur paryāyakā vivek karatā hai. isaliye vah pramāṇ bhī yathārtha hai. usake pahalekā pramāṇ koī aisā kahatā ho ki niścay saccā aur vyavahār bhī saccā, aisā karatā ho to vah yathārtha nahīṁ hai. parantu dr̥ṣṭipūrvakakā jñān hai vah yathārtha hai.
mumukṣuḥ- rāg-dveṣ hote haiṁ, vah na ho usakā upāy batāīye.
samādhānaḥ- rāg-dveṣ na ho,.. pahale usakā bhedajñān karanā paḍatā hai. jabatak vah rāgakī daśāmeṁ khaḍā hai, usakī rāgakī ruci kam ho jānī cāhiye. merā vītarāgī svabhāv maiṁ jānanevālā hū̃n. ye rāg merā svarūp nahīṁ hai. aur caitanyakā jñāyak svabhāv hai vah merā svabhāv hai. aise svabhāvako pahacānakar rāgakī ruci kam kare to vah manda hotā hai. bākī usakā nāś pahale nahīṁ hotā, pahale usakā bhedajñān hotā hai ki ye rāg merā svabhāv nahīṁ hai, maiṁ usase bhinna jānanevālā, maiṁ vītarāgī svabhāv hū̃n. isaliye use bhinna karanekā prayatna kare. bhinna karanekā prayatna kare to vah manda hotā hai. pahale usakā bhedajñān karanekā prayatna karanā ki maiṁ jñāyak hūn̐ aur ye rāg-dveṣ haiṁ. usakī ekatvabuddhi toḍanekā prayatna karanā.
mumukṣuḥ- dūsarā praśna hai ki svādhyāy karane baiṭhe to thoḍī der man pirotā hai, parantu bīcameṁ dūsare vikalpa āte haiṁ, to vah vikalpa na āye usakā upāy kyā hai?
samādhānaḥ- use badalate rahanā bāraṁbār, vikalpa āye use (badalakar) bāraṁbār svādhyāyameṁ citta lagānā. anādikā abhyās hai isaliye dūsare vikalpa ā jāy to