Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

44 bhī nahīṁ hogī. kisī bhī prakārakā guṇakā kārya (nahīṁ hogā). jo kevalajñān pragaṭ hotā hai vah bhī nahīṁ hogā, cāritra nahīṁ hogā, kuch nahīṁ hogā. yadi akelā kūṭastha ho to koī kārya hī dravyameṁ nahīṁ hogā. akelā kūṭastha ho to. kathaṁcit pariṇāmī, apariṇāmī hai.

siddha bhagavān kevalajñān prāpta karake, svarūpameṁ unheṁ pariṇāmīpanā, pariṇām pariṇamate hī rahate haiṁ. unheṁ pratyek guṇ pūrṇa ho gaye. to bhī pratyek guṇakā kārya agurulaghu svabhāvake kāraṇ sab pariṇamate hī rahate haiṁ. ananta kāl paryaṁt pariṇame to bhī usameṁ-se khālī hī nahīṁ hotā, utanākā utanā rahatā hai. jñān ananta kāl paryaṁt pariṇame, ānanda ananta kāl paryaṁt ānandakā sāgar pariṇamatā hai, to bhī usameṁ-se kam hotā hī nahīṁ, utanākā utanā rahatā hai. aisī dravyakī aciṁtyatā hai. aisā hī koī dravyakā aciṁtya pāriṇāmik svabhāv hai. aur sāthameṁ apariṇāmī hai ki jisameṁ-se kuch kam nahīṁ hotā, pariṇame to bhī.

mumukṣuḥ- pramāṇake viṣayakā dravya leṁ to kathaṁcit kūṭastha aur kathaṁcit pariṇāmī kah sakate haiṁ, parantu jo dhruvatva bhāv hai use bhī kathaṁcit kūṭastha aur kathaṁcit pariṇāmī kah sakate haiṁ?

samādhānaḥ- dr̥ṣṭi ek dravya par jātī hai, usameṁ koī bhed nahīṁ paḍatā hai. isaliye dr̥ṣṭikī apekṣā-se to... dr̥ṣṭi jahān̐ jāy vahān̐ jñān samyak hotā hai. dr̥ṣṭi aur jñān donoṁ sāthameṁ hī hote haiṁ. akelī dr̥ṣṭi ho to dr̥ṣṭi samyak hotī hī nahīṁ. dr̥ṣṭi kā viṣay hī aisā hai ki ek par dr̥ṣṭi kare. jñānakā viṣay aisā hai ki vah donoṁko jāne. parantu dr̥ṣṭi samyak tab hotī hai ki jab usake sāth jñān ho to. jñān dūsarā kām kare aur dr̥ṣṭi dūsarā kām kare, jñān mithyā ho aur dr̥ṣṭi samyak ho aisā nahīṁ banatā.

pramāṇajñānakā matalab vah koī jūṭhā nahīṁ hai. vah yathārtha jñān hai. dr̥ṣṭikā viṣay aisā hai. dr̥ṣṭi ek par hī hotī hai. parantu jñān usake donoṁ pahalūoṁkā vivek karatā hai. donoṁ pahalūoṁkā vivek sādhak daśāmeṁ sāthameṁ hī hotā hai. sādhak daśāmeṁ donoṁkā vivek na ho to usakī sādhak daśā hī jūṭhī hogī. ek par hī dr̥ṣṭi ho to usameṁ cāritradaśā yā kevalajñān yā kuch nahīṁ hogā. dr̥ṣṭi-samyagdarśan jahān̐ huā vahān̐ sab pūrā ho jāyagā. abhī sādhak daśā adhūrī hai. jñān sab vivek karatā hai. dr̥ṣṭiko pūjanik kahanemeṁ ātā hai.

pramāṇako pūjanik kahoge to ye sab cāritrakī paryāy, kevalajñānakī paryāy koī pūjanik nahīṁ hogī. muktike mārgameṁ dr̥ṣṭi mukhya hai, isaliye use pūjanik (kahate haiṁ). (kyoṁki) muktikā mārga usase prāraṁbh hotā hai. ataḥ use pūjanik (kahakar, jñānako

< Previous Page Next Page >