248
karanekī aisī śakti andar-se parīkṣak śakti pragaṭ karanī cāhiye ki yah svabhāv hai, yah vibhāv hai. lekin vah huye binā nahīṁ rahatā, andar lagan lage to.
dev-guru-śāstra, gurudev kyā kahate haiṁ, us āśayako grahaṇ karaneke liye svayaṁ andar taiyārī kare aur aṁtarameṁ caitanyakā svabhāv grahaṇ karanekī aisī apanī tīkṣṇa taiyārī kare to hue binā nahīṁ rahatā. upāy to ek hī hai. jñāyak tattva bhinna aur yah vibhāv svabhāv bhinna. maiṁ akhaṇḍa jñāyak hū̃n. usameṁ guṇabhed, paryāyabhedakā jñān usameṁ samā jātā hai. yathārtha dr̥ṣṭi ho to usameṁ sab jñān samā jātā hai. vah bhed, vāstavik bhed guṇabhed, paryāyabhedakā jñān karatā hai. bākī vibhāv hai vah apanā svabhāv nahīṁ hai. usase bhinna paḍ jātā hai.
maiṁ caitanyatattva bhinna hū̃n. usameṁ ananta guṇ-se bharā huā akhaṇḍa caitanya hū̃n. usameṁ koī bhedabhāv nahīṁ hai. parantu vah lakṣaṇabhed aur paryāyabhedakā jñān karatā hai. mārga to ek hī hai-bhedajñān karanekā upāya. parantu usake liye use taiyārī aur apanī pātratā taiyār karanī paḍatī hai.
ek ātmārthakā prayojan hai. bākī sab laukik prayojan usake āge gauṇ ho jāte haiṁ, chūṭ jāte haiṁ. ek ātmārthakā prayojan rahatā hai.
mumukṣuḥ- .. is kālameṁ āpakī bāt aisī hai. lekin pariṇaman nahīṁ ho rahā hai.
samādhānaḥ- svayaṁko karanā hai. bāraṁbār usakā gholan, manan ādi karanā hai.
mumukṣuḥ- aise pūjā karanī cāhiye, aisā hī karanā cāhiye. sarva pratham dr̥ṣṭikā viṣay hī grahaṇ karanā?
samādhānaḥ- ruci to svabhāvako grahaṇ karanekī hotī hai. parantu jabatak nahīṁ hotā hai, tabatak bāharameṁ aśubhabhāv-se bacaneke liye śubhabhāv āye binā rahate nahīṁ. vah kahān̐ khaḍā rahegā? aṁtarameṁ to sthir hotā nahīṁ, dr̥ṣṭi bhī pragaṭ nahīṁ huyī hai, to līnatākī bāt to bādakī hai. dr̥ṣṭi athavā līnatā aṁtarameṁ jānekā kuch pragaṭ nahīṁ huā hai, mātra ruci karatā hai. ruci svabhāvako grahaṇ karanekī hai, parantu usakā upayog kahān̐ sthir rahegā? isameṁ nahīṁ rahegā to aśubhameṁ jāyegā. śubhabhāvameṁ vah khaḍā rahatā hai.
svayaṁko pragaṭ nahīṁ huā hai, parantu jisane pragaṭ kiyā hai (aise) jinendra dev, guru aur śāstra par use mahimā aur bhakti āye binā nahīṁ rahatī. mahimā aur bhakti āye isaliye (kahatā hai ki) maiṁ kis tarah āpakī pūjā karun̐? kis tarah maiṁ bhakti, sevā karun̐? maiṁ meremeṁ to kuch pragaṭ nahīṁ kar sakatā hūn̐, parantu āpane jo kiyā usakā mujhe ādar hai. isaliye use bīcameṁ pūjā, bhakti ādi ātā hai. amuk aisā karanā hī cāhiye, aisā nahīṁ, parantu use aisī bhāvanā ātī hai. use aśubhakī ruci nahīṁ