52 hai, isaliye śubhabhāvameṁ ātā hai. use śuddhātmākā dhyey hotā hai. śubhako sarvasva mān le to vah galat hai. use śraddhā (ho jāy ki) śubhameṁ sab ā gayā aur usameṁ merā dharma ho gayā. aisā māne to galat hai. parantu andar śuddhātmā pragaṭ karanekā (dhyey hai). śubhabhāv-se bhī maiṁ bhinna hū̃n. śraddhā to aisī hai, parantu usameṁ vah ṭik nahīṁ pātā, isaliye śubhabhāvameṁ, jis par svayaṁko prem hai, jisane pragaṭ kiyā, bhagavānane saṁpūrṇa pragaṭ kiyā, gurudev sādhanā karate haiṁ aur śāstroṁmeṁ usakī-ātmākī sab bāteṁ ātī haiṁ. unake liye maiṁ kyā karun̐? kyā karun̐ aur kyā na karun̐? isaliye use pūjā, bhakti, sevā ityādi sab ātā hai. guru-sevā, jinendra pūjā ādi ātā hai. svādhyāyādi ātā hai. vah khaḍā rahe to kahān̐ khaḍā rahegā?
mumukṣuḥ- aśubhameṁ calā jāyagā.
samādhānaḥ- aśubhameṁ calā jāyagā. isaliye vah mahimāmeṁ khaḍā rahatā hai. jinendrakī mahimā, gurukī mahimā. svayaṁko caitanyakī mahimāke poṣaṇake liye usameṁ khaḍā rahatā hai. us rāg-se aṁtar kuch pragaṭ hotā hai, aisī usakī śraddhā nahīṁ hai. parantu vah bīcameṁ ātā hī hai, āye binā nahīṁ rahatā. use aise tīvra kaṣāy nahīṁ hote, manda paḍ jāte haiṁ. isaliye jinendra pūjā, guru-sevā ādi sab ātā hai. jise gr̥ddhi nahīṁ hotī. jo sab vibhāv choḍaneke liye taiyār hotā hai, use vah sab manda paḍ jātā hai. mujhe ātmā kaise pragaṭ ho? aisī ruci hai. maiṁ śuddhātmā nirvikalpa tattva hūn̐, mujhe koī vikalpa nahīṁ cāhiye. nirvikalpa tattva kaise pragaṭ ho? vah pragaṭ nahīṁ huā hai. usakī śraddhā yathārtha rūp-se jo honī cāhiye, vah bhī nahīṁ hai. mātra buddhi-se (nakkī) kiyā hai. to use śubhabhāvameṁ jinendra pūjā yā guru-sevā ādi sab ātā hai. svādhyāya.
śāstrameṁ ātā hai na? śrāvakake kartavya. svādhyāy, dhyān ādi. parantu vah dhyān yathārtha dhyān nahīṁ hotā. śubhabhāvarūp hotā hai. (śubhabhāv-se) dharma hotā hai aisā vah nahīṁ mānatā. parantu śrāvak bahubhāg pūjā, bhakti, sevā ādimeṁ juḍate haiṁ.
mumukṣuḥ- pūjya gurudevako to suvarṇapurīke prati bahut prem thā. to āpake pās to devake bhavameṁ-se āte hoṁge. hameṁ to bahut virah lagatā hai ki gajab ho gayā. tīrthaṁkarakā dravya is kālameṁ hamāre nasībameṁ kahān̐? hamāre bhāgyameṁ kahān̐?
samādhānaḥ- mahābhāgya bharatakṣetrakā. gurudevakā yahān̐ avatār huā. itanā upadeś unakā āyā, koī apūrva vāṇī barasī. unakā tīrthaṁkarakā koī apūrva dravya thā. kitane lākhoṁ, kroḍo jīvoṁko mārga batāyā. gujarātī, hindī sabako. (kitanoṁkā) nivās yahān̐ suvarṇapurīmeṁ ho gayā. barasoṁ tak yahān̐ 45-45 sāl (vāṇī barasāyī). vihār har jagah karate the.