Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

mumukṣuḥ- ... aur āpake mukh-se spaṣṭatā bhī bahut huyī. phir bhī bahubhāgako aisā lage ki karane jaisā hai vah saral bhāṣāmeṁ hameṁ samajhameṁ aisī koī bāt kahīe, to ham hamārā kām kar sake.

samādhānaḥ- gurudevane bahut spaṣṭa aur saral karake batāyā hai. bahut sūkṣmarūpase bhed kar-karake bahut spaṣṭa kiyā hai. kisīko kahīṁ koī bhūl rahe aisā (nahīṁ hai). barasoṁ tak vāṇī barasāyī hai. gurudevakā to apūrva upakār hai. unakā upakār to... usakī avejameṁ kuch denā mahā asaṁbhav hai. unakā upakār to param upakār hai.

gurudevane kahā hai ki ek ātmatattva caitanyatattva bhinna hai use pahacānanā. yah caitanyatattva anādiananta śāśvat hai. ananta janma-maraṇ karate-karate janma-maraṇ hue to bhī ātmā to jyoṁkā tyoṁ śāśvat hī hai. vah ātmā kaise pahacānanā, vah mārga gurudevane batāyā. sarva-se bhinna ātmā (hai). śarīr-se bhinna, vibhāvasvabhāv-vibhāvase bhinna, andar jo caitanyatattva hai usakā svabhāv bhinna hai. vibhāv-se caitanyakā svabhāv bhinna hai. use pahacānanekā prayatna karanā aur vah koī apūrva aur anupam vastu hai. jagatameṁ koī anupam nahīṁ hai, ek ātmā hī anupam hai. us anupam tattvakī aṁtarameṁ apūrvatā lage aur gurudevane aisī apūrva vāṇī barasāyī hai ki vah apūrva tattva ekadam grahaṇ ho jāya.

us apūrva tattvake liye ruci, lagan, mahimā ādi sab karane jaisā hai. vah kaise pahacānameṁ āye usake liye. aṁtar caitanya par dr̥ṣṭi karake, guṇake bhed, paryāyake bhed paḍe lekin usameṁ nahīṁ rukakar, ek śāśvat caitanya par dr̥ṣṭi karanī. sabakā jñān rakhanā. jñān ātmāmeṁ-se pragaṭ hotā hai, samyagdarśan ātmāmeṁ-se pragaṭ hotā hai, cāritra ātmāmeṁ- se pragaṭ hotā hai. ātmākā jo svabhāv hai usahīmeṁ-se pragaṭ hotā hai, bāhar-se kuch ātā nahīṁ.

bāhar-se usakā sādhan dev-guru-śāstra usake sādhan haiṁ. parantu gurudevane batāyā, tere caitanya par dr̥ṣṭi kar to usameṁ-se sab pragaṭ hotā hai. usameṁ ananta bharā hai. ātmākā jñān svabhāv ananta hai. vah ananta, jisakā nāś na ho, aisā ananta svabhāv, apār svabhāv ātmāmeṁ hai. ātmākā jo svabhāv-jñāyak svabhāv hai, use pahacāna. ānanda usameṁ bharā hai. sab usameṁ hī bharā hai aur usameṁ-se hī pragaṭ ho aisā hai. bāraṁbār usīkā abhyās karane jaisā hai. usakā raṭan, usakā manan, sab vahī karane jaisā hai.

ek caitanya kaise pahacānameṁ āye? jāgate-sote, svapnameṁ ek caitanya-caitanyakī pahacān kaise ho? aisī bhāvanā aur bāraṁbār vahī karane jaisā hai. bākī jagatameṁ kuch bhī sarvasva nahīṁ hai. śubhabhāvanāmeṁ ek dev-guru-śāstra aur andar śuddhātmākā dhyeya. vahī jīvanameṁ honā cāhiye, bākī sabakuch gauṇ hai. usake sāth koī prayojan nahīṁ hai. prayojan ek

< Previous Page Next Page >