Benshreeni Amrut Vani Part 2 Transcripts-Hindi (iso15919 transliteration).

ṭrek-

249

ātmāke sāth hotā hai, anya kisīke sāth prayojan nahīṁ hai. ek dev-guru-śāstrakā prayojan aur andar śuddhātmākā prayojan, yah ek prayojan rakhane jaisā hai, bākī kuch rakhane jaisā nahīṁ hai.

gurudevane jo upāy hai vah ekadam saral karake batāyā hai. bāhya kriyāmeṁ bāharameṁ kahīṁ bhī dharma nahīṁ hai. dharma jisameṁ hai usameṁ-se hī pragaṭ hotā hai. svabhāvameṁ-se svabhāv pragaṭ hotā hai. bāhar vibhāvameṁ-se nahīṁ ātā hai, svabhāvameṁ-se svabhāv ātā hai. jisakā jo svabhāv ho, usameṁ-se hī pragaṭ hotā hai.

pānī svabhāv-se śītal hai, parantu agnike nimitta-se usameṁ uṣṇatā dikhatī hai. parantu nimittake saṁṁyog-se usameṁ aisī uṣṇatākī pariṇati hotī hai. vaise ātmā svayaṁ svabhāv-se śītal caitanya śītalatā-se bharā hai. vibhāvake nimitta-se, parakā nimitta hai isaliye usameṁ anek jātakī rāg-dveṣ ādi kālimā dikhatī hai. parantu aṁtar dr̥ṣṭi kare to vah śītal svabhāv-se bharā hai.

jitanā jñānasvabhāv ātmā hai utanā hī svayaṁ hai. usake alāvā sabakuch usase bhinna hai. aisā ātmākā svabhāv, caitanyakā svabhāv grahaṇ kar lenā. sūkṣma upayog karake ātmāko grahaṇ karanā, vahī karane jaisā hai. usameṁ hī ānanda, usameṁ hī sukh, sab usameṁ hī bharā hai.

mumukṣuḥ- andarameṁ jāy to akelā śuddhātmā aur bāhar āye to dev-śāstra- guru, donoṁko khaḍā rakhā.

samādhānaḥ- hān̐, bas, doko khaḍā rakhā. bākī kisīke sāth kuch prayojan nahīṁ hai. dūsarā sab to laukik hai, laukik calatā rahe. bāharameṁ dev-guru-śāstra. jinendra jagatameṁ sarvotkr̥ṣṭa haiṁ. gurudev sarvotkr̥ṣṭa aur śāstra sarvotkr̥ṣṭa haiṁ. vah śrutakā ciṁtavana. bākī aṁtarameṁ ek śuddhātmā sarvotkr̥ṣṭa, vah sarvotkr̥ṣṭa hai. bākī kisīke sāth koī prayojan nahīṁ hai.

ācāryadev kahate haiṁ na? mujhe kisīke sāth prayojan nā rahe. ek ātmā aur maiṁ jahān̐-jahān̐ jāūn̐ vahān̐ dev-guru-śāstra. ālocanā pāṭhameṁ (kahate haiṁ ki), mere gurune mere hr̥dayameṁ jo upadeśakī jamāvaṭ kī hai, us jamāvaṭake āge is pr̥thvīkā rāj mujhe priy nahīṁ hai. pr̥thvīkā rāj to nahīṁ hai, parantu tīn lokakā rāj mujhe priy nahīṁ hai. ek gurukā upadeśa. vahī mere hr̥dayameṁ, upadeśakī jamāvaṭ hai. us upadeś anusār merī pariṇati ho jāy, basa. gurudevane aisī upadeśakī jamāvaṭ (kī hai), utanī vāṇī barasāyī hai. us upadeśakī jamāvaṭako svayaṁ pariṇatimeṁ pragaṭ kare to usameṁ sab ā jātā hai. usake āge pr̥thvīkā rāj yā tīn lokakā rāj, ācāryadev kahate haiṁ ki, mujhe kuch

< Previous Page Next Page >