252
sūkṣma lakṣaṇ jñānakā, vah maiṁ hū̃n. us taraph jāy, use lakṣyameṁ le to buddhipūrvak hai. abhī nirvikalparūp pariṇati nahīṁ hai, nirvikalpa svānubhūti bhī nahīṁ hai, parantu use lakṣaṇ- se pahacāne-nakkī kare ki jisameṁ vikalpa nahīṁ haiṁ, mātra jānanā nirākul lakṣaṇ hai, use pahacāne. bhale hī upayog palaṭ jāy to bhī bāraṁbār grahaṇ karanekā prayatna kare. buddhi-se nakkī karane jāy aur upayog palaṭ jāy to use bāraṁbār nakkī karanekā prayatna kare ki ye jo jñān lakṣaṇ hai vahī maiṁ hūn̐ aur use dhāraṇ karanevālā caitanya dravya padārtha so maiṁ hūn̐, isaprakār svayaṁke astitvako nakkī karaneke liye prayatna kare.
nirvikalpa pariṇati to bādameṁ hotī hai. pahale to use pratīt karatā hai ki yah astitva hai so maiṁ hū̃n. yah vibhāv maiṁ nahīṁ hū̃n. nirvikalpa svānubhūtimeṁ jo ānanda vedanameṁ āye vah alag anubhavameṁ ātā hai. yahān̐ jñānameṁ to mātra use śānti, yah jñān lakṣaṇ śāntivālā hai, utanā hī use grahaṇ hotā hai. ānandakī anubhūti to use nirvikalpa svānubhūtimeṁ pragaṭ hotī hai. ātmā pūrā jñān, ānanda sāgar-se bharā, jñān-se bharā hai. vah use svānubhūtimeṁ vedanameṁ ātā hai. yah to mātra use lakṣaṇ-se pratītameṁ ātā hai. upayog palaṭ jāy to bāraṁbār nakkī karanekā prayatna kare. vah sahaj na ho tabatak usakā prayatna karanā.
mumukṣuḥ- anubhav hone-se pahale aisā sahaj hogā?
samādhānaḥ- anubhav pūrva use bāraṁbār palaṭ jātā hai to bāraṁbār abhyās kare to dr̥ḍhatā to ho. vāstavik sahajatā bādameṁ hogī, lekin ek dr̥ḍhatārūp ho sakatā hai.
mumukṣuḥ- apūrva avasarameṁ munipadakī bhāvanā bhāyī hai. kyoṁki samyagdr̥ṣṭi hai aur ātmāko dekhā hai. samyagdarśan prāpta hone pūrva jīv āge baḍhatā hai, vah astitvakī avyakta pakkaḍ-se āge baḍhatā hai? mithyādr̥ṣṭine to kuch dekhā nahīṁ hai. samyagdr̥ṣṭine astitva dekhā hai aur munipadakī bhāvanā bhāte haiṁ. mithyādr̥ṣṭine astitva nahīṁ dekhā hai, to avyaktapane usake astitvake viśvās-se āge baḍhatā hai?
samādhānaḥ- hai hī, aise vah nakkī karatā hai. usake lakṣaṇ-se pahacān sakatā hai. astitva dekhā nahīṁ hai, parantu use andar bhāv hotā hai ki yah lakṣaṇ kisakā hai? yah caitanyakā lakṣaṇ hai. isaprakār mati-śrut dvārā nakkī karanekī usameṁ vaisī yogyatā hai ki pahale vah nakkī kar sakatā hai. sahaj bādameṁ hotā hai, parantu nakkī to kar sakatā hai.
mumukṣuḥ- is or astitva aur is or vibhāv-se bhinna nāstitva, isaprakār āge (baḍhatā hai)?
samādhānaḥ- aisā abhyās karatā hai. anādi kāl-se usane bāhar-se munipanā