76 le liyā vah alag bāt hai. parantu jo jijñāsākī bhūmikāmeṁ hai, vah usakā abhyās karatā hai. bākī jo kuch samajhate nahīṁ hai ki aṁtarameṁ ātmākā astitva hai, ye vibhāv- se bhinna hai, usakī bāt nahīṁ hai. ve sab to kriyāmeṁ paḍe haiṁ. parantu jise ruci huyī hai ki ātmā koī apūrva cīj hai aur muktikā mārga aṁtarameṁ rahā hai, aisī ruci hai, jijñāsā hai, to vah bāraṁbār abhyās-se āge baḍhatā hai ki yah caitanyakā astitva bhinna hai, vibhāv bhinna hai. caitanya ananta guṇ-se bharā hai. us prakārake abhyās-se vicār karake, nakkī karake āge baḍhatā hai.
bākī jo kriyāmeṁ paḍe haiṁ, jinheṁ kuch ruci nahīṁ hai, aṁtarameṁ kuch apūrvatā nahīṁ lagī hai, ve to bāhar kriyāmeṁ paḍe haiṁ. gurudevane aisā mārga batāyā ki andar koī vastu alag hai aur muktikā mārga aṁtarameṁ hai. svānubhūti aṁtarameṁ pragaṭ hotī hai. usakā abhyās karake āge baḍhatā hai ki maiṁ caitanya bhinna, yah vibhāv bhinna hai. dravya-guṇ- paryāy ananta meeremeṁ haiṁ. maiṁ ek akhaṇḍa caitanya hū̃n. guṇabhed nahīṁ hai, sab lakṣaṇabhed hai. anek prakār-se nakkī karake tattvakā svarūp samajhakar āge baḍhatā hai.
samyagdarśanake bād to use āge baḍhaneke liye use munidaśākī bhāvanā ātī hai. vah to svarūpakī daśā kaise baḍhe? svarūpakī daśā baḍhane par bāhar aisā nimitta-naimitkik sambandha hai ki use munipanā ā jātā hai. aṁtarameṁ caitanyakī pariṇatikī daśā kaise āge baḍhe, aisī bhāvanā hotī hai.
mumukṣuḥ- jijñāsukī bhūmikāmeṁ cāhe jitane savāl āpako pūchate haiṁ aur javāb āte haiṁ, usameṁ navīnatā ātī ho, sunate hī rahe, aisā hotā hai. bhale hī praśna ek jātake ho, parantu ... kuch kahate haiṁ.
samādhānaḥ- praśna ek jātake hoṁ, javāb usī jātake hote haiṁ.
mumukṣuḥ- javāb to hameṁ bhinna-bhinna lagate haiṁ. ... aise javāb āte haiṁ. śalya asaṁkhya prakārake haiṁ to bahut prakārake ...
samādhānaḥ- gurudevake pratāp-se guurudevane sabako aṁtar dr̥ṣṭi karavāyī ki aṁtarameṁ mārga hai, aur kahīṁ nahīṁ hai. bākī to sab vratake divas āye to bāhar-se kuch hotā hai. bāharake vrat aur upavās ādi bahut kareṁ to apane dharma ho jātā hai, aisā sab mānanevāle jīv hote haiṁ. parantu gurudevane aṁtar dr̥ṣṭi karavāyī. aṁtarameṁ ho, usake sāth sab śubh pariṇām hote haiṁ. rucivāleko bhī hote haiṁ. samyagdarśan honeke bād bhī śubhabhāv hote haiṁ. munidaśā honeke bād bhī paṁc mahāvratādi hote haiṁ. parantu vah heyabuddhi-se āte haiṁ. apanī pariṇati nyārī ho gayī hai. svānubhūtikī daśā pragaṭ huyī hai.