252
mumukṣuḥ- śubhabhāvakī maryādā use khyālameṁ ā gayī.
samādhānaḥ- khyālameṁ ā gayī hai.
samādhānaḥ- ... dev-guru-śāstrake sānnidhyameṁ ātmā kaise pragaṭ ho? ātmākā sānnidhya kaise pragaṭ ho, vah karanā hai. ātmā svayaṁ hī hai. vah kaise grahaṇ ho, vah karane jaisā hai. bākī bahut sunā hai, bahut sāl paryaṁta. gurudevane bahut sunāyā hai aur bahut diyā hai use pighalānā hai. bahut sāl bīt gaye. karanekā ek hī hai. dev- guru-śāstrake sānnidhyameṁ ātmā kaise grahaṇ ho?
mumukṣuḥ- .. yahī bhāvanā hai. āp ekakā ādhār hai abhī to.
samādhānaḥ- gurudev mile, baḍā ādhār (hai). gurudevane sabako bahut diyā hai. svāśray- ātmākā āśray (lenā) aur śubhabhāvameṁ dev-guru-śāstrakā āśraya.
mumukṣuḥ- bahinaśrī! ātmā sambandhit aisī kaun-sī bāt hai, jo pūrvameṁ kabhī sunī nahīṁ hai aur jo āpako anubhavameṁ ā gayī hai. āpake śrīmukh-se pratyakṣa sunanekī jijñāsā hai.
samādhānaḥ- gurudev samakṣa bahut bāteṁ sunane milī hai. jīvane ananta kālameṁ sunā hai vah mātra bāhya dr̥ṣṭi-se hī sunā hai. śāstrameṁ āve, bhagavānakī vāṇīmeṁ āve, parantu jīvane aṁtarameṁ jo usakā āśay hai use grahaṇ nahīṁ kiyā. gurudevakī vāṇīmeṁ to bahut spaṣṭa āyā hai. anubhavakī bāt gurudev spaṣṭa kar-karake kahate the. muktikā mārga ekadam spaṣṭa batāte the. parantu usakā āśay grahaṇ karanā vah apane hāthakī bāt rahatī hai.
jīvane bāhya dr̥ṣṭi-se kriyā-se dharma ho, aisā mān liyā hai. itane śubhabhāv kareṁ yā bāharake vrat kareṁ yā niyam kareṁ, yah kareṁ, vah kareṁ usameṁ-śubhabhāvoṁmeṁ dharma mānā hai. parantu śubhabhāv-se bhī ātmā bhinna ek śuddhātma tattva hai, use pahacānā nahīṁ hai. aur śuddhātmāmeṁ sab bharā hai. usameṁ jñān, ānanda ādi ananta-ananta śaktiyān̐ usīmeṁ bharī hai. usakī use apūrvatā nahīṁ lagī hai. sunā to kuch apūrva hai, yah caitanya vastu koī apūrva hai aur usameṁ sab apūrvatā bharī hai. aur gurudev kahate haiṁ vah koī apūrva bāt kahate haiaiṁ, apūrva ātmākī bāt kahate haiṁ. aisī apūrvatā andar-se jo laganī cāhiye, vah use lagī nahīṁ hai.
ātmā apūrva hai, usakī bāt bhī apūrva hai. usakī apūrvatā lage aur caitanya svabhāvakī apūrvatā laganī cāhiye ki ātmā caitanya koī adabhut vastu aur apūrva vastu hai. vah apūrvatā lage aur us or dr̥ṣṭi kare, usakā jñān kare aur usameṁ līnatā kare to vah pragaṭ hotā hai.
śāstrameṁ ātā hai, ananta kālameṁ vah bāt paricayameṁ nahīṁ āyī hai, anubhavameṁ nahīṁ