78 āyī hai. kyoṁki usakā svayaṁne paricay nahīṁ kiyā hai. sunā to use ūpar-ūpar- se calī gayī hai. usakī jo apūrvatā laganī cāhiye vah nahīṁ lagī. ātmā koī apūrva hai. usameṁ koī apūrvatā bharī hai aur vah koī apūrva vastu hai. jagatakī āścaryabhūt apūrva vastu ho to ātmā hai. aur ātmākī dr̥ṣṭi karanī, ātmākī pahacān karanī, ātmākā jñān aṁtarameṁ-se karanā vah koī apūrva hai.

śubhabhāvameṁ, vibhāv bhāvameṁ ekatvabuddhi kar rahā hai, usīkā abhyās kiyā hai. usīkā paricay kiyā hai. parantu jo ātmākī apūrvatā laganī cāhiye (vah nahīṁ lagī). usase ātmā bhinna hai. sab vikalpoṁ-se ātmā bhinna nirvikalpa tattva hai. use usane nyārā grahaṇ nahīṁ kiyā hai. aṁtarameṁ nyārā grahaṇ kare to usakī apūrvatā usake anubhavameṁ āye binā nahīṁ rahatī. ātmā koī apūrva hai. usake svarūpameṁ sthir ho jāy to vah apūrva vastu pragaṭ hotī hai. parantu vah sthir kab ho? svayaṁko yathārtha pahacān kare, usakī yathārtha pratīti ho to usameṁ sthir hotā hai aur to usameṁ-se use apūrvatā pragaṭ hotī hai.

bāharakā sab grahaṇ kiyā hai, parantu aṁtar caitanyakā svabhāv grahaṇ nahīṁ kiyā hai. use grahaṇ karanā. aṁtarakā vah koī alag puruṣārtha kare. usane bāhar-se sab prayatna kiyā hai. bāhar-se aśubhameṁ-se śubhameṁ āyā, parantu śubh-se bhī bhinna maiṁ ek caitanya nyārā tattva hai, use khyālameṁ nahīṁ liyā. use nyārā khyālameṁ to usameṁ-se apūrvatā pragaṭ ho aisā hai. usameṁ śānti, usameṁ ānanda, sab usameṁ hai.

bāhya kriyā sab chūṭ jāy to aṁtarameṁ kyā hogā? is prakār ananta kāl-se pravr̥ttike alāvā andar nivr̥ttasvarūp ātmā hai, us nivr̥ttameṁ sab bharā hai. aisī use apūrvatā nahīṁ lagatī hai. yah chūṭ jāyegā to aṁtarameṁ śūnyatā (ho jāyagī). śūnyatā nahīṁ hai, apitu aṁtarameṁ bharacak bharā hai, vah use pragaṭ hotā hai.

muni kisake āśray-se munipanā pāleṁge? muniko mahāvratakā āśray (nahīṁ hai). mahāvrat to bīcameṁ āte haiṁ, unheṁ āśray to ātmākā hai. ātmā jo apūrva vastu hai, usameṁ hī unheṁ śaraṇ lagatā hai, usakā hī unheṁ āśray hai. vikalpa chūṭane-se vah niṣkriy nahīṁ ho jātā. parantu aṁtarameṁ-se usakī svarūp pariṇati pragaṭ hotī hai aur svarūpameṁ jo bharā hai, vah use pragaṭ hotā hai.

ye sab chūṭ jāne-se usameṁ kyā hogā? aisī use aṁtarameṁ-se apūrva pratīti nahīṁ hotī hai. aṁtarameṁ sab bharā hai. jñānasvarūp ātmā, jñānamātra ātmā usameṁ hī sab bharā hai. aur use bhinna grahaṇ karane-se usameṁ-se pragaṭ hotā hai. kartābuddhikā ras, bāhya pravr̥ttikā ras, aṁtarameṁ-se use chūṭatā nahīṁ hai, kahīṁ na kahīṁ mīṭhās rah jātī hai. parantu un sab-se nyārā koī kartā-kriyā-karmakā ras nahīṁ, koī pravr̥ttikā ras nahīṁ,