Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

82 upādān-nimittakā aisā sambandha hai.

mumukṣuḥ- koī bār mātājī! (aisā lagatā hai ki) śuruātameṁ gurudevako sunate to tab atyanta ānanda aur ullāsapūrvak (sunate the). usake bād itane nirlaj ho gaye haiṁ. ek bār nirlajja ho jāneke bād vah śabda asar nahīṁ karate. aisī sthiti ho gayī ho aisā lagatā hai. vahī śabda bār-bār sunate ho, isaliye pahale vahī śabda sunate vakta jo apūrvatā lagatī thī, (vah apūrvatā nahīṁ lagatī hai).

samādhānaḥ- apūrvatā lagatī thī. apanā puruṣārtha utanā calatā nahīṁ, isaliye aisā ho ki sunate rahate haiṁ. puruṣārtha āge gati kare nahīṁ, isaliye aisā ho jātā hai ki pahale sunate vakta ekadam āścarya laganeke bajāy madhyam jaisā ho jātā hai.

mumukṣuḥ- usakā matalab yah hai ki sunate hī usakā puruṣārtha andar cālū rahe to us jātakī apūrvatā lage aur apūrvatā-se viśeṣ ullās āye.

samādhānaḥ- viśeṣ ullās āye. apanā puruṣārtha āge nahīṁ baḍhatā hai, isaliye vah madhyam prakār-se sunatā rahatā hai. aisā ho jātā hai.

mumukṣuḥ- pratyek samay sunate vakta āścaryacakit ho jāy, to aisā kahā jāy ki isameṁ navīn-navīn (lagatā hai).

samādhānaḥ- to apanī viśeṣ taiyārī honekā kāraṇ bane. puruṣārtha adhik jāgr̥t hotā hai.

mumukṣuḥ- āpane kahā na ki āśay nahīṁ grahaṇ kiyā. sunane par bhī usakā āśay grahaṇ nahīṁ karatā hai.

samādhānaḥ- unheṁ gaharāīmeṁ kyā kahanā hai? yā guruedav kyā kahate haiṁ? vah āśay grahaṇ karake phir prayatna nahīṁ kiyā hai. pahale to vah āśay grahaṇ nahīṁ karatā hai. āśay grahaṇ karake phir jo puruṣārtha apanā calanā cāhiye, vah puruṣārtha uṭhatā nahīṁ. gurudevane mārga batāyā ki mārga yah hai. use buddhimeṁ grahaṇ huā, parantu aṁtarameṁ use ūtārakar āge baḍhanā cāhiye, vah āge nahīṁ baḍhatā. to aise hī madhyamameṁ khaḍā rahatā hai. jis jātakī ruci hai usameṁ viśeṣ āge nahīṁ baḍhatā hai, isaliye aise hī khaḍā rahatā hai.

anādi kāl-se to kuch sunane nahīṁ milā. koī bār milā to usane grahaṇ nahīṁ kiyā. aur grahaṇ kare to puruṣārtha nahīṁ karatā hai. āśay grahaṇ kare to bhī āge nahīṁ baḍhatā. use buddhimeṁ aisā nakkī hotā hai ki gurudevane yah mārga kahā hai. vikalpa-se ātmā bhinna hai, ātmā śāśvat hai, ātmākā svabhāv is vibhāv-se bhinna hai. guṇabhed, paryāyabhed vah bhed bhī vāstavikarūp-se ātmāmeṁ nahīṁ hai. vah to akhaṇḍa svarūp hai. ye sab lakṣaṇabhed hai. aisā buddhimeṁ grahaṇ karatā hai, parantu aṁtarameṁ jo pariṇati

< Previous Page Next Page >