112
apaneāp śāstra paḍhe aur jo gurudev svayaṁ kahe usakī jo asar ho, vah asar alag hī hotī hai. grahaṇ karake svayaṁ paḍhe to use dr̥ṣṭimeṁ kuch samajhameṁ āye, parantu pahale to gurudev samakṣa, jinheṁ sākṣāt caitanya pragaṭ huā hai, unakī vāṇī hī caitanyako pragaṭ honemeṁ nimitta hotī hai, aisā upādān-nimittakā sambandha hai. jīv svataṁtra hone par bhī svataṁtra puruṣārtha karatā hai to bhī upādān-nimittakā aisā sambandha hai. guruke sāth aur devake sātha.
unakā ātmā kis prakār kahatā hai? vah svayaṁ ātmā hai na, isaliye use ekadam grahaṇ hotā hai. ṭepameṁ bhī .. sabako us jātake saṁskār hai na. dravya, kṣetra, kāl, bhāvakā sambandha ho jātā hai. ṭep alag hotī hai, sab alag hotā hai.
svayaṁko caitanyako grahaṇ karanā hai, parantu gurukī vāṇī caitanya batāye ki tū ātmā hai. bāraṁbār kahe. vah dhobīkā vastra galatī-se oḍhakar soyā hai. use bāraṁbār guru kahate haiṁ, ye vastra terā nahīṁ hai, terā nahīṁ hai. tab use mālūm paḍatā hai ki ye merā nahīṁ hai. vaise gurudevane bāraṁbār upadeśameṁ kahā ki tū ātmā bhinna hai. ye śarīr bhinna hai, ye vibhāv terā svabhāv nahīṁ hai, sab bhinna hai. bhinna hai-bhinna hai. kitane sāl vāṇī barasāyī. andar dr̥ḍh saṁskār, gurukī vāṇī-se dr̥ḍh saṁskār paḍate haiṁ.
bākī anādi-se kṣayopaśam jñān aisā hai ki bāharakā sab grahaṇ karatā hai, parantu apaneko grahaṇ karanemeṁ gurukī vāṇī mile to upādān aur nimittakā aisā sambandha hai. kṣayopaśam jñān bāharakā sab grahaṇ kare. ek jātike log ho to khudane thoḍā- sā dekhā ho to us manuṣyako pahacānatā hai. use sthūl upayog kahate haiṁ, usameṁ sūkṣmatā- se bhed kar sakatā hai.
bahut sālake bād ādamīko dekhe to aisā kahe, yah vahī ādamī hai. usameṁ kyā pharka paḍā? us vah kah nahīṁ sakatā ki usake ān̐kheṁ alag hai, yā usakā caherā alag hai, yah alag hai, aisā bhed to karatā hai, parantu vah bol nahīṁ sakatā. thoḍā- thoḍā pheraphār ho to usakā jñān kṣayopaśam jñān cāroṁ or pahun̐c sakatā hai. yah phalānā ādamī, phalānā ādamī. aise dūr-se bhī pahacān sakatā hai. kṣayopaśam jñān aise bhed karatā hai. aise sthūl kahanemeṁ ātā hai, parantu sūkṣma bhed bāharameṁ karatā hai.
aṁtarameṁ svayaṁko pahacānanā ho, vah bhed jñān hī karatā hai. parantu vah jñān apanī or muḍakar svayaṁko pakaḍanemeṁ (sakṣam nahīṁ hotā). anādikā bāharakā abhyās ho gayā hai, svayaṁko pakaḍ nahīṁ sakatā. puruṣārtha kare to pakaḍe. gurukī vāṇī āve. us vāṇīke sāth upādānakā (sambandha hai). tū bhinna hai.
jñān jñānako grahaṇ kare, jñāyakako grahaṇ kare aisā usakā svabhāv hai. parantu vah