258
grahaṇ karanemeṁ svayaṁ puruṣārtha kare to usakī diśā badalatī hai. bāharakā grahaṇ karanemeṁ use sahaj-sahaj grahaṇ karatā hai. usameṁ use upādhi nahīṁ lagatī, bojh nahīṁ lagatā. kuch nahīṁ lagatā. parantu aṁtarameṁ jāy to use upādhi-bojh lagatā hai. gurudevane vāṇī barasākar saral kar diyā hai. parantu puruṣārtha svayaṁko karanā paḍatā hai.
mumukṣuḥ- aṁtar puruṣārtha ... bāhar-se bhinna-bhinna vyaktiko pahacān sakate haiṁ, aise ātmāko bhī pahacān sakatā hai?
samādhānaḥ- ātmāko pahacān sakatā hai. svayaṁ hī hai. svayaṁ hī hai. jñān jñānako pahicān sakatā hai. aisā sūkṣma bhed karatā hai.
mumukṣuḥ- bāharameṁ to vah khyālameṁ ātā hai, āp kahate ho vaisā. sādhāraṇ to...
samādhānaḥ- kyā bhed hai vah bol nahīṁ pātā. usakī ān̐kheṁ alag hai, caherā alag hai, yah alag hai, dikhanemeṁ sab ek samān lagatā hai. to bhī kṣayopaśamajñān bhed to karatā hī hai ki yah manuṣya yah hai aur yah manuṣya yah hai. jyādā logoṁmeṁ kṣayopaśam jñān bhed kar detā hai. itanā sūkṣma hokar bhī bhed karatā hai. usī tarah apanī or muḍe to svayaṁko pahacān sake, parantu muḍatā hī nahīṁ hai.
mumukṣuḥ- aisā apaneko spaṣṭa pahacān sakatā hai?
samādhānaḥ- hān̐, spaṣṭa pahacān sakatā hai. usameṁ use bāharameṁ śaṁkā bhī nahīṁ paḍatī. koī use tarka kare ki ye manuṣya vah nahīṁ hai. to bhī kahatā hai, nā, vahī hai. binā vicār kiye, tarka binā nakkī karatā hai ki yah vahī manuṣya hai. dūsare log kahe to bhī jūṭhā hī hai.
vaise svayaṁko nakkī kar sakatā hai ki yah maiṁ hī hūn̐, yahī merā astitva hai. aise tarka binā niḥśaṁkapane svayaṁko grahaṇ kar sakatā hai ki yahī maiṁ hū̃n. anya kuch maiṁ nahīṁ hū̃n. ye rāgādi maiṁ nahīṁ hūn̐, yahī maiṁ hū̃n. niḥśaṁkapane grahaṇ kar sakatā hai.
mumukṣuḥ- adabhut bāt karate ho, parantu kitanī bār aisā prayatna karane-se ho aur kyā hotā hai... pīchalī bār kahā thā ki bhāvabhāsan honeke bād vikalpātmak bhedajñān-se use ṭikāye rakhanā cāhiye. to use ṭikāye rakhanemeṁ aisā vicār ātā hai ki pariṇatimeṁ rasakā vedan to ho jātā hai, tattvakā ras vedanameṁ ātā hai, us vakta maiṁ bhinna hūn̐, bhinna hūn̐, aisā abhyās karate rahanā usakā nām ṭikanā hai? vikalpātmak bhedajñān (use kahate haiṁ)?
samādhānaḥ- vikalpameṁ use aisā gāḍh abhyās ho gayā hai, isaliye use bīcameṁ vikalpa āte hī rahate haiṁ. parantu aṁtarameṁ jo apanā guṇ hai, us guṇ dvārā pūre jñāyakako grahaṇ karanā ki yah jñān jitanā, vartamān jāne utanā hī maiṁ nahīṁ hūn̐, parantu maiṁ pūrṇa