kāraṇ hai. vah bāhar-se nahīṁ milate. vah puruṣārtha-se nahīṁ milatā. apane caitanyameṁ puruṣārtha kām karatā hai. kyoṁki caitanya svayaṁ svataṁtra hai, usameṁ svabhāv pragaṭ karanā vah apane hāthakī bāt hai. satpuruṣ milanā vah puṇyakā prakār hai. vah vastu par hotī hai. isaliye us jātake puṇya ho to satpuruṣ milate haiṁ.
svayaṁ bhāvanā bhātā rahe, usameṁṁ aisā puṇya ban̐dh jāy to satpuruṣ milate haiṁ. vah puṇya-se milatā hai, puruṣārtha-se nahīṁ milatā hai. svayaṁ bhāvanā bhātā rahe ki mujhe satpuruṣ mile, mile, parantu aisā koī puṇyakā yog ho to milate haiṁ. puruṣārtha-se nahīṁ milate. puṇya hai vah alag vastu hai aur andar puruṣārtha-se ātmākī prāpti karanī vah alag hai aur satpuruṣ milanā vah puṇyakā kāraṇ hai.
mumukṣuḥ- satpuruṣ nahīṁ milanā vah pāpakā kāraṇ hai?
samādhānaḥ- hān̐, vah pāpakā kāraṇ hai. nahīṁ milate haiṁ vah apanā us jātikā puṇyakā yog nahīṁ hai athavā us jātikā pāpakā uday hai. paṁcamakālameṁ janma ho aur jinendra dev, guru, śāstrakī durlabhatā ho, sacce guru milane, jinendra dev sākṣāt milane, sacce śāstra hāthameṁ kvacit hī mile, aisā sab ho usameṁ apanī kṣati hai. duṣamakālameṁ janma huā vah bhī apane puṇyakī kṣati hai. us jātakā pāpakā uday hai ki is kālameṁ janma hotā hai. vah puṇya-pāpakā saṁyog hai, apane hāthakī bāt nahīṁ hai. parantu apanī bhāvanā ho to us jātakā puṇya ban̐dh jātā hai ki us puṇya-se satpuruṣ milate haiṁ.
mumuukṣuḥ- puruṣārtha sirpha cetanameṁ-apanemeṁ kare. samādhānaḥ- apanemeṁ puruṣārtha kām karatā hai. bāhya vastuen̐ prāpta honī vah sab puṇyakā kāraṇ hai. vah svayaṁ nahīṁ kar sakatā.
is kālameṁ-paṁcamakālameṁ gurudev padhāre vah mahāpuṇyakā yog thā. isaliye sabako us jātakā gurudevakā yog prāpta huā, satpuruṣakā yog prāpta huā. unakī vāṇī milanī, darśan milanā, sānnidhya milanā, satasamāgam milanā vah sab puṇyakā prakār hai. lekin vah aisī śubhabhāvanā bhāye to vaisā puṇya ban̐dhatā hai.
bāhya saṁyog milanā, śarīrameṁ pheraphār honā, bāhyakā kuch milanā, nahīṁ milanā vah sab puṇyake kāraṇ hai. śātā vedanīy (honī) vah puṇyakā prakār hai. aṁtarameṁ puruṣārtha karanā aur ātmāko pahicānanā vah sab puruṣārthakā kārya hai. parantu ananta kāl- se jīvako saccā milā nahīṁ hai athavā yathārtha gurukā yog nahīṁ milā hai, usakā kāraṇ apanī us jātakī bhāvanā, jijñāsā, aisā puṇya nahīṁ thā. upādān taiyār ho to use nimitta mile binā rahatā hī nahīṁ. aisī yadi apanī jijñāsā taiyār ho to bāharakā aisā puṇya ho jātā hai ki jisase aisā yog prāpta ho jātā hai.