132
aur anādi kālase samyagdarśan prāpta nahīṁ huā hai. pratham samyagdarśan prāpta kare usameṁ koī gurukā vacan yā devakā vacan, vāṇī use prāpta hotī hai aur aṁtarameṁ ātmā jāgr̥t ho jātā hai. apane upādānakī taiyārī ho to vah nimitta banate haiṁ. aisā nimitta- naimittik sambandha hai. jinendra dev anek bār mile haiṁ, parantu svayaṁne pahacānā nahīṁ.
bhagavānakī vāṇī milī, guru mile aur apanā upādān taiyār ho to upādān- nimittakā aisā sambandha hai ki svayaṁko aṁtarameṁ aisī deśanālabdhi hotī hai. anādi- se samajhā nahīṁ, aisemeṁ use aise guru yā dev mile tab usakī taiyārī ho. aisā upādān- nimittakā sambandha hai. puruṣārtha apane-se karatā hai. parantu aisā nimitta use milatā hai. aisā nimitta-naimittik sambandha hai. puruṣārtha kare apane-se, parantu use aisā puṇya ban̐dhatā hai ki aise jinendra dev athavā guru, guru-satpuruṣ mile vah andar jāgr̥t ho jātā hai, aisā nimitta-naimittik sambandha hai. pratyek dravya svataṁtra hone par bhī aisā nimitta- naimittik sambandha hai. usakī vaisī śubhabhāvanā-se aise gurukā yog ho jātā hai aur apane puruṣārtha-se jāgr̥t hotā hai.
mumukṣuḥ- ananta kāl huā, ananta bār bhagavānake samavasaraṇameṁ gayā. jaise gurudev kahate the, aisā huā phir aisā hī korā rah gayā?
samādhānaḥ- hān̐, bhagavānako pahacānā nahīṁ. bhagavān bahut acche haiṁ. unakī vāṇīkā rahasya kyā hai use pahacānā nahīṁ. bhagavān samavasaraṇameṁ baiṭhe haiṁ, indra āte haiṁ, sab bāhar- se dekhā.
mumukṣuḥ- andar-se nahīṁ.
samādhānaḥ- andar-se nahīṁ. ye bhagavān kuch alag kahate haiṁ. unakā ātmā kuch alag hai aur kuch alag svarūp batāte haiṁ, kuch apūrva batāte haiṁ, aise pahicānā nahīṁ. bhagavān aṁtar caitanyameṁṁ kyā karate haiṁ? aise aṁtar-se bhagavānako pahacānā nahīṁ. bāhar-se bhagavān samavasaraṇameṁ baiṭhe haiṁ, vāṇī barasāte haiṁ, indra āte haiṁ, aise bāhar- se dekhā.
bhagavān kuch vītarāgī mārga kahate haiṁ, ātmākī koī apūrva bāt kahate haiṁ, bhagavān ātmāmeṁ sthir ho gaye haiṁ, vītarāg daśā prāpta kī hai, jagat-se bhinna haiṁ, aisā kuch pahacānā nahīṁ. merā ātmā.. andar kuch alag karaneko kahate haiṁ, aisā kuch gaharī dr̥ṣṭi-se dekhā nahīṁ. isaliye aise hī vāpas ā gayā.
mumukṣuḥ- avyaktameṁ bahut sūkṣma bāt karī. citasāmānyameṁ citavyaktiyān̐ aṁtaranimagna hai. bhūt, bhāvi paryāy andar nimagna hai.
samādhānaḥ- nimagna hai. citasāmānyake andar, vah citasvarūp sāmānya hone par