Benshreeni Amrut Vani Part 2 Transcripts-Hindi (iso15919 transliteration).

ṭrek-

261

135

hai vah pragaṭ hotā hai. vah mārga gurudevane batāyā hai. us bhedajñānake mārga par caitanya svarūp apūrva hai, jisake sāth kisīkā mel nahīṁ hai, aisā apūrva (ātmā hai).

mumukṣuḥ- jñāyakakī pariṇati pragaṭ kare use jñānanay aur kriyānayakī maitrī hotī hai.

samādhānaḥ- hān̐, jñāyakakī pariṇati pragaṭ kare to jñānanay aur kriyānayakī maitrī hai. jñāyakakī pariṇati pragaṭ nahīṁ huī hai to vah maitrī nahīṁ hai. vikalpa-se nakkī kare ki yah jñān, yah kriyā. andar pariṇati nahīṁ hai to jñānanay aur kriyānayakī maitrī nahīṁ hai. koī kriyāmeṁ ruk jātā hai, koī jñānameṁ ruk jātā hai. aur koī mumukṣu ātmārthī ho to aisā māne ki mujh-se hotā nahīṁ, parantu yah jñāyakakī pariṇati hī pragaṭ karane yogya hai. vastu svarūp aisā hai ki dravya vastu svabhāv-se bhinna hai. use bhinna karane-se śuddha paryāy pragaṭ hotī hai. aisā vikalpa-se jñān kare. ātmārthī ho vah aisā jñān kare parantu jñān-kriyākī maitrī to andar jñāyak daśā pragaṭ ho to hī jñānanay aur kriyānayakī maitrī hotī hai.

pahale vah samajhe ki karanā yah hai. bākī jo nahīṁ samajhatā hai vah ekāntameṁ calā jātā hai. mātra bolatā rahatā hai, ātmā jñāyak hai. aur koī thoḍā śubhabhāv kare to maiṁ bahut karatā hūn̐, aisā mānatā hai. yathārtha ātmārthī ho, jise ātmākā prayojan hai, vah barābar samajhatā hai ki yah dravya vastu svabhāv-se bhinna hai. parantu yah rāg usakā svabhāv nahīṁ hai. lekin us jñāyakarūp maiṁ kaise pariṇamūn̐, aisī usakī bhāvanā rahatī hai. aur vah aisā nirṇay karatā hai ki karanekā yahī hai.

praśamamūrti bhagavatī mātano jay ho! mātājīnī amr̥t vāṇīno jay ho!

< Previous Page Next Page >