136
mumukṣuḥ- koī kriyājaḍ thaī rahyā, śuṣkajñānamāṁ koī, vah to choḍ de. jñān aur vairāgyakī maitrī, jñān aur vairāgya jo sādhakako sāthameṁ hote haiṁ to vairāgyameṁ aur kriyānayameṁ ek sarīkhā bhāv hai yā thoḍā sūkṣma aṁtar hogā?
samādhānaḥ- vairāgya aur kriyā na? kriyāmeṁ vah mātra kriyāmeṁ rukatā hai. aur jo vairāgya hai, vairāgī hai vah akelā vairāgyameṁ rukatā hai. kriyā aur vairāgyameṁ, bahubhāg vah mātra bāhya kriyāmeṁ rukatā hai. dūsarā hai vah vairāgya-vairāgya karatā rahatā hai. utanā pharka hai.
mumukṣuḥ- jñān aur kriyānayakī maitrī jahān̐ hai, vah to sādhakakī bhūmikā hai. to kriyānayako leṁ to aur vairāgyakī bāt le, donoṁ ek sarīkhī bāt hai yā donoṁke bīc thoḍā pharka hogā?
samādhānaḥ- jñānanay aur kriyānayakī maitrīmeṁ kriyānayameṁ vairāgya sāthameṁ ā jātā hai. usameṁ vairāgya sāthameṁ ho to hī usakī kriyākī pariṇati hotī hai. maiṁ jñāyak hūn̐ aur usameṁ nivartanekī jo kriyā hotī hai, svarūpakī līnatākī jo kriyā hotī hai, vah vairāgyake binā nahīṁ hotī. isaliye usameṁ kriyānayameṁ vairāgya sāthameṁ ā jātā hai. usameṁ virakti sāthameṁ ā jātī hai.
mumukṣuḥ- saṁveg nirveg jaisā hai? kriyānayameṁ asti bhāv-se vītarāgatā pragaṭ karanī aur vairāgyameṁ rāg-se pīche muḍanā, aisā bhāv hogā?
samādhānaḥ- hān̐, vairāgya arthāt virakti-nāsti karake svarūpameṁ pariṇatikī asti karatā hai. asti-nāsti. parantu vāstavik asti to caitanyako grahaṇ kiyā vah astitva hai. dravyako grahaṇ kiyā vaha. parantu yah pariṇati pragaṭ kī, us pariṇatikī apekṣā- se vah asti hai aur virakti huyī vah nāsti hai. kriyāvālā jo bāhya kriyāmeṁ hai vah bhī vairāgyakī kriyāmeṁ us tarah rukatā hai. usameṁ garbhit vairāgya hai vah vairāgya samajh binākā hai. ātmāko samajhatā nahīṁ, astitva grahaṇ nahīṁ kiyā hai.
mumukṣuḥ- ruṁdhā huā kaṣāya.
samādhānaḥ- hā̃n. vah aisā hai.