mumukṣuḥ- sādhakako donoṁ sāthameṁ hote haiṁ, parantu śurūātameṁ thoḍā-bahut mukhya- gauṇ rahatā hogā ki nahīṁ?
samādhānaḥ- jo sādhakakī pariṇati hai, vah śurūātameṁ rahe aisā nahīṁ, usakā mārga hī vah hai. dravyadr̥ṣṭi-se dravyakī dr̥ṣṭi mukhya rahatī hai. usameṁ jo puruṣārtha hotā hai vah, paryāyameṁ mujhe vibhāv hai, usase bhinna hokar aur svarūpakī pariṇati pragaṭ karatā hai. dravyadr̥ṣṭikī apekṣā-se use gauṇ rahatā hai aur pariṇati apekṣā-se use koī bār mukhya kahate haiṁ. is prakār mukhya-gauṇ kahate haiṁ. parantu dravyadr̥ṣṭi to sadāke liye use mukhya hī rahatī hai. līnatākī bhāvanā kare, mujhe līn honā hai, aisī bhāvanā ho, cāritrakī bhāvanā ho, aise paryāy apekṣā-se use mukhya kaheṁ. parantu andar jo dr̥ṣṭi hai, us dr̥ṣṭikī apekṣā-se koī mukhya nahīṁ hotā.
mumukṣuḥ- suprabhāt-se lekar kevalajñān paryaṁtakī sab bātameṁ svayamev prāpta huā. svayaṁbhūpanā liyā. dūsarekā kuch thoḍā-bahut avalamban hogā ki nahīṁ?
samādhānaḥ- nahīṁ, anya kisīkā nahīṁ. ek svayaṁbhū ātmākā hī avalambana. svayaṁbhū ātmā svayaṁ apane-se svataḥsiddha hai, usīkā avalamban, anya kisīkā ālamban nahīṁ.
mumukṣuḥ- dev-śāstra-guru thoḍī madadameṁ-sahāyameṁ (hote hoṁge)?
samādhānaḥ- caitanyadravyakā hī ālamban, anya kisīkā nahīṁ. śubhabhāvanāmeṁ use ālambanarūp kahanemeṁ ātā hai. dev-guru-śāstrakā śubhabhāvameṁ ālamban (hotā hai). mere sāth rahanā, maiṁ mere ātmāmeṁ jātā hū̃n. kyoṁki merī nyūnatā hai. isaliye śubhabhāv mujhe ātā hai to āp mere sāth rahanā. mujhe āpakā ādar hai. mere svabhāvakā jaise mujhe ādar hai, vaise mujhe āpakā ādar hai. isaliye mere sāth rahanā. maiṁ āpakā ādar karatā hū̃n. maiṁ jahān̐ āge baḍhūn̐ vahān̐ mujhe sāthīdārake hisāb-se mujhe madadameṁ dev-guru- śāstra rahanā, aisī bhāvanā kare. bākī ālamban dravyakā hai.
mumukṣuḥ- kām andarameṁ svayaṁko karanā hai.
samādhānaḥ- kām svayaṁko karanā hai. dev-guru-śāstrake prati śubhabhāvanāmeṁ bhakti use pūrī ātī hai ki mere sāth hī rahanā. use aisā nahīṁ hotā ki vah sab bāharakā hai, karanā to andarameṁ hai na, aise bhāv nahīṁ āte.
use aisā bhāv hotā hai ki maiṁ andar jāūn̐ aur śubhabhāv khaḍā hai, abhī vītarāg nahīṁ huā hai, śubhabhāvanāmeṁ āp mere sāth rahanā. aise bhaktibhāv ātā hai. gurudev mujhe sahāyarūp ho, mujhe upadeś de. aisī sab bhāvanā hotī hai. bhāvanā aisī hotī hai. guruke pratāp-se hī maiṁ āge baḍhā, gurudevane hī sab diyā hai, is prakār dev-guru-śāstra par