Benshreeni Amrut Vani Part 2 Transcripts-Hindi (iso15919 transliteration).

ṭrek-

264

151

mumukṣuḥ- rucipūrvakake aise saṁskār paḍe ki jo niyam-se muktikā kāraṇ ho.

samādhānaḥ- niyam-se muktikā kāraṇ ho.

mumukṣuḥ- .. pragaṭ ho.

samādhānaḥ- puruṣārtha pragaṭ ho. puruṣārtha kare tab use aisā hī hotā hai ki maiṁ puruṣārtha karũn. bhāvanā aisī hotī hai. parantu rucipūrvakake jo saṁskār ḍale vah yathārtha bhāvi nirvāṇ bhājan hotā hai. nirvāṇakā bhājan hotā hai. ... saṁskār vahī kām karate haiṁ, viparīt ruci hai isaliye mithyātva-viparīt dr̥ṣṭike saṁskār cale āte haiṁ. yathārtha andar ruci ho ki ye kuch alag hai. ātmā koī alag hai, mārga koī alag hai. aisī ruci aṁtarameṁ-se ho, prīti-se vāṇī sune to aṁtarameṁ aisī apūrvatā lage ki ye ātmā koī apūrva hai. vāṇīmeṁ aisā kahate haiṁ, gurudev aisā kahate haiṁ to aṁtarameṁ ātmā koī apūrva hai. aisī ātmākī apūrvatā taraphakī ruci jage aur usake saṁskār aṁtarameṁ ḍale, vah bhāvi nirvāṇ bhājan hotā hai.

mumukṣuḥ- vartamānameṁ abhī samyagdarśan prāpta nahīṁ huā ho, to bhī usake liye..

samādhānaḥ- hān̐, saṁskār kām karate haiṁ.

mumukṣuḥ- khyāl ā sakatā hai ki yah jīv bhāvi nirvāṇakā bhājan hogā. usakī ruci par-se athavā usakī caṭapaṭī par-se, laganī par-se (khyāl ātā hogā)?

samādhānaḥ- usake anumān-se usakī koī apūrvatā par-se khyāl ā sakatā hai.

mumukṣuḥ- "svabhāv śabda sunate hī śarīrako cīratā huā hr̥dayameṁ utar jāy, rom- rom ullasit ho jāy-itanā hr̥dayameṁ ho, aur svabhāvako prāpta kiye binā cain na paḍe,.. yathārtha bhūmikāmeṁ aisā hotā hai.' aisā kahakar āpako kyā kahanā hai?

samādhānaḥ- aṁtarameṁ gaharāīmeṁ cīrakar utar jāya. andar ātmākī pariṇatimeṁ itanā aṁtarameṁ dr̥ḍh ho jāy ki yah kuch alag hī hai. aisī gaharāīmeṁ use ruci lagatī hai ki yahī satya hai. ye sab vibhāv niḥsār hai, sārabhūt vastu koī apūrva hai. aisā aṁtarameṁ use lage.

yathārtha arthāt jise aṁtarameṁ ātmākā hī karanā hai, dūsarā koī prayojan nahīṁ hai. ek ātmākā jise prayojan hai, us prayojan-se hī usake sab kārya, ātmāke prayojan artha hī haiṁ. aisī ātmārthīkī bhūmikā-pratham bhūmikā hai.

mumukṣuḥ- ātmārthīkī bhūmikāmeṁ aisā hotā hai.

samādhānaḥ- hān̐, aisā hotā hai.

mumukṣuḥ- ... isaliye use ullās ātā hogā. cīrakar hr̥dayameṁ utar jāy arthāt use us jātakā utsāh (ātā hogā)?

< Previous Page Next Page >