Benshreeni Amrut Vani Part 2 Transcripts-Hindi (iso15919 transliteration).

ṭrek-

265

157

se dekha. aṁtar dr̥ṣṭi-se dekhanā to kis prakār-se dekhanekā prayatna karanā?

samādhānaḥ- amuk jātakī yukti, dalīl-se nakkī kar sake. bākī to kar nahīṁ sakatā. bākī unake paricay-se, unakī bāt-se aise nakkī kare. yukti, dalīl, nyāy- se, siddhānta-se nakkī kare. bākī use us jātakā khyāl nahīṁ hai isaliye use nakkī karanā muśkil paḍatā hai.

parantu vicār kare to use khyāl āye ki bhedajñānakī pariṇati ho sakatī hai. bhedajñānameṁ pratikṣaṇ apanā astitva grahaṇ kare to bhedajñānakī pariṇati pragaṭ ho sake aisā hai. yadi na ho to vah bhinna hī nahīṁ paḍ sakatā. vah bhinna paḍatā hai, svānubhūti hotī hai. jo siddha hote haiṁ, ve bhedavijñān-se hī hote haiṁ. ataḥ bhedavijñān aṁtarameṁ ho sakatā hai. usakī bhāvanā aisī hotī hai ki dūsareko śaṁkā paḍe ki ye sab bhāvanā aisī dikhe ki mānoṁ kartābuddhi jaisī dikhatī hai.

mumukṣuḥ- isīliye āj vicār āyā ki āpako hī pūch lū̃n.

samādhānaḥ- hān̐, dikhe vaisā. pūjāmeṁ aisā dikhe, dev-guru-śāstrake prasaṁgameṁ aisā dikhe to bhī pratikṣaṇ vah kṣaṇ-kṣaṇameṁ nyārā hī hotā hai. jaise makkhan bhinna paḍ jātā hai, phir-se vah pahalekī bhān̐ti ekamek nahīṁ ho jātā. chāchake sāth rahe to bhī vah makkhan bhinna hī tairatā hai.

mumukṣuḥ- ek bār bhinna paḍaneke bād ekamek nahīṁ hotā.

samādhānaḥ- ekamek nahīṁ hotā. .. jñān jo hai, us jñānako-jñāyakako bhinna kiyā. anādi-se jñān taraph dekhatā nahīṁ hai aur vibhāv taraph dekhatā rahatā hai. jñān- jñāyak taraph dr̥ṣṭi aur pariṇati hai. isaliye vah usī taraph dekhatā hai. vibhāv taraph usakā alpa ho gayā hai. usakī pariṇati jñāyak taraph, pūrā cakra jñāyak taraph ho gayā hai. alpa vibhāv taraph thoḍā rahā hai.

mumukṣuḥ- ajñānīko sthūl jñān hai isaliye use rāg hī dikhatā hai, jñān dikhāī nahīṁ detā.

samādhānaḥ- rāg dikhatā hai, jñān nahīṁ dikhāī detā.

mumukṣuḥ- hameṁ duḥkh ho aisī bāt hai. parantu gurudevakā itanā sunā hai ki usīse samādhān karate haiṁ. phir bhī āpake śabda sunane haiṁ.

samādhānaḥ- acānak ho jāy aur choṭī umra ho isaliye aisā lage. gurudevane kahā hai, śānti rakhane alāvā upāy nahīṁ hai. saṁsārakā svarūp (aisā hī hai). jahān̐ koī upāy nahīṁ hai, vahān̐ śānti rakhanī hī śreyarūp hai.

ananta janma-maraṇ, janma-maraṇ karate-karate bhavakā abhāv ho aisā mārga gurudevane

< Previous Page Next Page >