Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

158 batāyā. kitanoṁke sāth sambandha karake svayaṁ āyā, svayaṁko choḍakar kitane hī cale gaye aur svayaṁ kisīko choḍakar āyā hai. aise janma-maraṇ (kiye haiṁ). kabhī lambā āyuṣya, kabhī choṭā āyuṣya, aise anek jātake janma jīvane dhāraṇ kiye haiṁ. usameṁ yah manuṣyabhav milā. is manuṣyabhavake andar ek ātmākī pahicān ho vah navīn hai. bākī janma-maraṇ, janma-maraṇ jagatameṁ calate rahate haiṁ.

rāg ho utanā duḥkh ho, to bhī badalakar andarameṁ samādhān karanā vahī śreyarūp hai. usakā dūsarā koī upāy nahīṁ hai. saṁsār aisā hai, saṁsārakā svarūp aisā hai. jīvane itane janma-maraṇ kiye haiṁ ki jitane jagatake paramāṇu hai, use svayaṁne grahaṇ karake choḍe haiṁ. itane jagatake paramāṇuko (grahā hai).

pratyek ākāś pradeśameṁ ek-ek ākāś pradeś par ananta bār janma-maraṇ kiye. jitane vibhāvake adhyavasāy haiṁ, sab ho gaye. utsarpiṇī, avasarpiṇī kālake jitane samay haiṁ, utanī bār svayaṁ ananta bār janma-maraṇ kar cūkā. ananta bār nigodameṁ gayā, ananta bār devalokake devake bhav kiye. narkameṁ ananta bhav kiye, tiryaṁke ananta bhav, manuṣyake ananta bhav kiye. itane bhav jīvane kiye haiṁ. usameṁ kitanoṁke sāth sambandha joḍā hai aur choḍā hai. jīvako aise ananta janma-maraṇ hue haiṁ.

usameṁ is paṁcam kālameṁ yah manuṣyabhav milā, usameṁ gurudevakī vāṇī milī aur gurudevane jo yah mārga batāyā, us mārgako grahaṇ karanā vahī upāy hai. vahī śānti aur sukhakā upāy hai. is jīvanameṁ kuch apūrvatā pragaṭ ho aur bhavakā abhāv ho, aise saṁskār ḍale to vah śreyarūp hai. bākī jīvane anek janma-maraṇ kiye haiṁ. naṭubhāīko bahut ruci thī. aṁtarameṁ vah ruci lekar gaye haiṁ. āp sabako ruci hai. gurudevane kahā hai vahī grahaṇ karanā hai.

jagatameṁ kuch apūrva nahīṁ hai, koī padavī apūrva nahīṁ hai. ek samyagdarśanakī padavī (prāpta nahīṁ kī). jinavarasvāmī jīvako mile haiṁ, parantu usane pahacānā nahīṁ hai. isaliye mile haiṁ vah nahīṁ milane barābar hai. ek samyagdarśan prāpta nahīṁ huā hai. ek vah apūrva hai. isaliye use prāpta karaneke liye jīvako bhedajñān kaise ho, ātmākī pahicān kaise ho (usakā prayatna karanā cāhiye).

is jagatameṁ śāśvat ātmā hai. yah śarīr bhinna aur ātmā bhinna, donoṁ bhinna- bhinna vastu hai. ātmā to śāśvat hai. ek deh choḍakar dūsarā deh dhāraṇ karatā hai. ātmākā to kahīṁ maraṇ hotā nahīṁ. janma-maraṇ ātmāke nahīṁ hai. naṭubhāīkā ātmā to śāśvat hai. ātmākā maraṇ nahīṁ hotā, ātmā to śāśvat hai. ātmā bhinna śāśvat hai, use grahaṇ kar lenā. vahī saccā hai.

< Previous Page Next Page >