166 hai. aisā anukūl uday na ho to vaisā nahīṁ bhī banatā. aisā banatā hai.
mumukṣuḥ- donoṁ prakār bhajate haiṁ.
samādhānaḥ- aisā banatā hai. lekin use nirṇay barābar hotā hai ki svataṁtra dravya hai. phir use ākulatā nahīṁ hotī, samādhān ho jātā hai ki jaisā bananā hotā hai vaise hī banatā hai. usakī rāgakī maryādā (hai), maryādā bāhar nahīṁ jātā. usakī bhāvanā anusār amuk rāg usakī maryādāmeṁ (hotā hai). jo mumukṣukī maryādāmeṁ rāg ho us anusār use bhāvanā ātī hai.
pratyek dravya svataṁtra haiṁ. maiṁ jñāyak bhinna, paradravya bhinna, koī kisīko kar nahīṁ sakatā. ek dravya dūsare dravyakā, koī caitanya caitanyakā kar nahīṁ sakatā. pratyek dravya svataṁtra haiṁ. sabake pariṇām svataṁtra, sabakī pariṇati svataṁtra, sab svataṁtra haiṁ. nimitta-naimittik sambandhake kāraṇ bane, isaliye icchā anusār huā aisā dikhatā hai. bākī koī kisīkā kar nahīṁ sakatā. aisā dikhatā hai isaliye vicār-vicār calate rahate haiṁ.
bākī jise sahaj pratīti hotī hai vah samajhatā hai ki jo bananā hai vahī banatā hai. svayaṁko jo rāg ātā hai, icchā hotī hai, vah mātra rāg hokar chūṭ jātā hai. bākī usakī vicāraṇā use laṁbī nahīṁ calatī. jaise bananā hotā hai vaise hī banatā hai. apane jñāyakako bhinna jānatā hai. jñāyakakī pratīt aur jñāyakakā pariṇaman bhinna hai aur ye paradravyakā pariṇaman bhinna hai. vikalpātmak pratīti hai isaliye use vicāraṇā calatī hai ki icchā anusār banatā hai. icchānusār banatā nahīṁ hai. vah svataṁtra pariṇaman hai.
mumukṣuḥ- kabhī-kabhī ulajhan ho jātī hai. pakkā nirṇay hai isaliye koī bār andar ulajhan ho jātī hai, ek prakārakī ākulatā ho jātī hai. bāharameṁ galat ho rahā hai aisā lage, phalānā hotā ho to aisā lage ki aisā kyoṁ? phir śaṁkā paḍe. tattva apaneko baiṭhā nahīṁ hai isaliye aisā hotā hai.
samādhānaḥ- usane vikalpa-se nakkī kiyā hai na, isaliye aise vicār āte haiṁ. bākī vastu svarūp-se jo bananā hotā hai aisā hī banatā hai. jise sahaj jñāyakakī pratīti (huyī hai), sahaj bhedajñānakī dhārā hai, use aise vicār nahīṁ āte haiṁ. jo hai use jānatā hai. rāg āye use bhī jānatā hai. use rāg ātā hai, dev-guru-śāstrakī mahimā ādi sab use ātā hai, parantu jo bhī hotā hai use jānatā hai, use laṁbe vicār nahīṁ calate. sahaj jñāyakakī dhārā, bhedajñānakī dhārā vartatī rahatī hai.
mumukṣuḥ- anubhav hone pūrva āpane kis prakārakā abhyās kiyā ki jisase vikalpātmak jñānameṁ aisā nirṇay ekadam majabūt ho gayā? kyoṁki ham hamārī pariṇati dekhate haiṁ to hameṁ to aisā hī lagatā hai ki ye pariṇati ḍolamaḍol hotī hai. śāstra