266
paḍhate haiṁ, śāstra-se nakkī karate haiṁ to aisā lagatā hai, barābar, aisā hī vastukā svarūp hai. apanī pariṇati-se dekhate haiṁ to aise vicār calate rahate haiṁ. koī bār vaisā bhāv baiṭhatā hai, koī bār aise laṁbe vicār bhī āte haiṁ.
samādhānaḥ- vikalpātmak pratīti hai na, isaliye usameṁ ḍolamaḍol hotā hai. bākī dr̥ḍh nirṇay ho aur maiṁ jñāyak hī hūn̐ aur jo bananā hai vah banatā hai, aisī pratītikī dr̥ḍhatā, aise abhyāsakī dr̥ḍhatā ho to use aise vicār laṁbāte nahīṁ. bākī sahaj dhārā to svānubhūtike bād hī hotī hai. isaliye abhyāsakī dr̥ḍhatā rakhe to use vaise vicār laṁbāye nahīṁ. usakī mandatāke kāraṇ vicār laṁbāte haiṁ.
samādhānaḥ- usakī pratītimeṁ use vicār laṁbāte haiṁ. usakī mandatāke kāraṇa.
mumukṣuḥ- us prakārake abhyāsakī mandatāke kāraṇa.
samādhānaḥ- abhyāsakī mandatāke kāraṇ vicār laṁbāte haiṁ. bākī sahaj dhārā jise hotī hai, use aise vicār laṁbāte nahīṁ. svānubhūtikī bādakī dhārāmeṁ use vaisā nahīṁ hotā. use jñāyakakī dhārā hī rahatī hai.
samādhānaḥ- ... vaisā bananā thā to vaisā huā. cakravartī to puṇya lekar āye haiṁ. bākī kuch rājā hār jāte haiṁ.
mumukṣuḥ- bharat cakravartī bāhubalīke āge hāre.
samādhānaḥ- hān̐, parantu unakā cakravartī pad lekar āye the. us vakta hāre, us prakār-se hāre. parantu unheṁ kuch hotā nahīṁ hai. unakī laḍāīmeṁ hār gaye.
mumukṣuḥ- jise jñāyakakī saccī dr̥ṣṭi pragaṭ huyī hai, vah dr̥ṣṭi apekṣā-se to rāgako apane-se bhinna jānatā hai. usī kṣaṇ jñān aisā jānatā hai ki yah pariṇaman merā hai. merā praśna yahān̐ hai ki vah pariṇaman merā hai, us kṣaṇ aśubharāgameṁ jitanā ūlaṭā puruṣārtha huā hai, usameṁ bhī aisā jñān karatā hai ki ye mere ūlaṭe puruṣārthapūrvak hī aisā huā hai. aisā bhī jānatā hai yā svakālameṁ huā hai, usakī mukhyatā rakhatā hai?
samādhānaḥ- jñān donoṁko jānatā hai. svaparaprakāraśaka. ye jñāyak so maiṁ hūn̐ aur jñān aisā bhī jānatā hai ki merī itanī jñāyakakī pariṇati hai. dr̥ṣṭike sāth jñāyakakī pariṇati bhī vartatī hai-jñānadhārā. aur śeṣ nyūnatā hai utanī rāgadhārā hai. rāgādhārā mere puruṣārthakī kamajorīke kāraṇ in kāyāmeṁ-śubhāśubh bhāvoṁmeṁ juḍanā ho jātā hai. bākī isī kṣaṇ maiṁ jñāyak hūn̐, mujhe kuch nahīṁ cāhiye. ek jñāyakatā mujhe pragaṭ ho utanī puruṣāārtha dhārā baḍhe to mujhe vītarāg hī honā hai. aisī bhāvanā hai. parantu puruṣārthakī mandatāke kāraṇ usameṁ juḍatā hai. usameṁ vah jānatā hai ki ye śubhāśubh pariṇām (hote