Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

172 aisā hotā hai.

yah to abhī usase bhī pahalekī bhūmikāmeṁ khaḍā hai, bhedajñān pragaṭ nahīṁ huā hai aur sahaj daśā to pragaṭ nahīṁ huyī hai, aur sahaj mān le to āge baḍhanekā avakāś nahīṁ hai. sahaj daśā hī pragaṭ nahīṁ huyī hai. aur kartr̥tvabuddhimeṁ khaḍā hai aur sahaj mān le to āge baḍhanekā avakāś nahīṁ hai. ise to kartābuddhi chūṭ gayī hai, svāmītvabuddhi chūṭ gayī hai, jñāyak daśā pragaṭ huyī hai, to bhī usameṁ puruṣārthakī apekṣā usake dhyānameṁ rahatī hai ki mere cāritrakī mandatā-se līnatākī mandatā-se chaṭhṭhī-sātavīṁ bhūmikāmeṁ jā nahīṁ pātā hū̃n. vah usake khyālameṁ hai. to bhī use aisā rahatā hai. sarva apekṣā-se aisā hī māne ki sab sahaj hai, to āge baḍhanekā avakāś nahīṁ rahatā hai.

mumukṣuḥ- isameṁ kramabaddha ā gayā na?

samādhānaḥ- sab sahaj māne usameṁ kramabaddha ā gayā. parantu kramabaddha puruṣārthapūrvak honā cāhiye. puruṣārthake sāth kramabaddha juḍā hai. saccā kramabaddha tab kahā jāy ki jisakī kartābuddhi chūṭ gayī, sahaj jñāyak daśā pragaṭ huyī hai to bhī puruṣārthake sāth vah kramabaddha sambandha rakhatā hai. puruṣārthakī jaisī pariṇati ho us jātakā usakā kramabaddha hotā hai. us jātake kramabaddhakī racanā use hotī hai. vah puruṣārthake sāth juḍā hai.

usakī puruṣārthakī gati apanī taraph jāy, jñāyakarūp (pariṇame) to usakā kramabaddha mokṣa taraph jātā hai. aur bāharameṁ khaḍā hai, vibhāvameṁ ekatvabuddhi karake (mānatā hai ki) jaise honā hogā vaisā hogā, usakā kramabaddha us jātakā hai. apanī taraph jāy usakā kramabaddha us jātakā hai.

mumukṣuḥ- jñānako kis prakār-se dhīrā kareṁ?

samādhānaḥ- jñānako dhīrā karake tū dekh, jñāyak kyā hai? vastu kyā hai? par kyā hai? kyā sva hai? aise dhīrā hokar vicār to yathārtha jñān hogā. ākulatā, rāgamiśrit aise jñānameṁ viśeṣ ākulatāmeṁ yathārtha svabhāv tujhe grahaṇ nahīṁ hogā. isaliye dhīrā hokar, rāgako gauṇ karake dhīrā hokar vicāra. to yathārtha hogā. yathārtha vastu khyālameṁ āyegī. jñānako dhīrā karake, rāg-se bhinna use gauṇ karake dekh to tujhe yathārtha grahaṇ hogā.

mumukṣuḥ- viparīt śraddhā ho to jñān dhīrā nahīṁ hotā hai?

samādhānaḥ- usameṁ jo viśeṣ ākulatā ho, us ākulatā-se dhīrā paḍ sakatā hai. yathārthameṁ dhīrā ho, vah alag bāt hai. jijñāsākī bhūmikāmeṁ bhī dhīrā hokar dekh to sakatā hai.

mumukṣuḥ- vikalpātmak bhedajñān huā?

samādhānaḥ- vikalpātmak hai.

< Previous Page Next Page >