mumukṣuḥ- sab guṇoṁkā doṣ hai.
samādhānaḥ- sabakā doṣ hai. ek palaṭane-se sab palaṭ jāte haiṁ. ek samyak ho to sab samyak hotā hai. ek-se aṭakā hai. ruci manda hai, puruṣārtha manda hai. us apekṣā-se pratītimeṁ, jñānameṁ sabameṁ kṣati hai.
mumukṣuḥ- vikalpa bhī sahaj hai, nirvikalpa bhī sahaj hai aur maiṁ bhī sahaj hū̃n. to phir vikalpameṁ duḥkh laganā cāhiye, to sahajameṁ duḥkh laganā cāhiye, usameṁ pharka nahīṁ paḍā?
samādhānaḥ- vikalpa sahaj hai, matalab apane puruṣārthakī pariṇatike binā koī jabaran karavā nahīṁ detā. vikalpa sahaj hai, vah to apekṣā-se hai. khud aisā rakhe ki vikalpa sahaj hai, isaliye apaneāp jo honevālā hai vah hotā hai, to usakī puruṣārthakī gati apanī or muḍegī nahīṁ. jo aṭakā hai vah apane puruṣārthakī gati nahīṁ hai, us taraph usakī viparīt pariṇati jātī hai, isaliye aṭakā hai. vikalpa sahaj hai, aisā yadi rakhe, us ek apekṣāko grahaṇ kare aur puruṣārthakī mandatāko grahaṇ nahīṁ karegā to vah āge nahīṁ baḍhegā.
sab kāryameṁ apane puruṣārthakī kṣatiko yadi dekhegā to hī vah palaṭegā, anyathā palaṭegā nahīṁ. ... sahaj hai. parantu vikalpa sahaj hai, isaliye apaneāp honevālā hotā hai, to-to phir aśubhameṁ-se śubh bhī nahīṁ hogā. vah kuch badal hī nahīṁ pāyegā. śubhameṁ-se śuddha bhī nahīṁ hogā. jaise honevālā ho, vaisā hogā. vah koī ātmārthīkā lakṣaṇ nahīṁ hai.
jahān̐ ātmārtha hai, vahān̐ use aisā hī lagatā hai ki merī mandatā-se maiṁ aṭakā hū̃n. merī puruṣārthakī (kṣati hai). phir bhale hī vah utanī ākulatā na kare, parantu vah samajhe ki merī apanī mandatā-se maiṁ aṭakā hū̃n. apanī mandatā usake dhyānameṁ ho to palaṭanā hogā. mandatā hī dhyānameṁ nahīṁ hai aur kisī aur par ḍāle to use badalanekā avakāś nahīṁ hai.
mumukṣuḥ- maiṁ sahaj hūn̐, jñāyak sahaj hai.
samādhānaḥ- hān̐, jñāyak anādiananta vastu sahaj hai. parantu usakī pariṇati palaṭanemeṁ puruṣārthakā kām hai. .. apekṣā-se sahaj hai, parantu puruṣārtha palaṭanā apane hāthakī bāt hai. jise jñāyak daśā pragaṭ huī hai, jise bhedajñānakī dhārā pragaṭ huyī hai, use sahaj pariṇati (hai). jise bhedajñānakī sahaj pariṇati pragaṭ huyī hai, use bhī aisā rahatā hai ki mere puruṣārthakī mandatā-se, merī līnatākī mandatā-se maiṁ cāritrameṁ, vītarāg daśāmeṁ, chaṭhṭhī-sātavīṁ bhūmikāmeṁ pahun̐cā nahīṁ hū̃n. merī apanī mandatāke kāraṇa. usake jñānameṁ bhī