176 honekā kāraṇ banatā hai. yathārtha kāraṇ ho to kārya ātā hī hai. bākī ātmā bhinna hai.
jaise sphaṭik svabhāv-se nirmal hai, vaise ātmā svabhāv-se-vastu-se to nirmal hai. usameṁ lāl-pīlā pratibiṁb utpanna hotā hai, vah to bāharake phūlakā uṭhatā hai. aise karmake nimitta-se jo vibhāv bhāv hotā hai, usameṁ pariṇati apanī hotī hai, puruṣārthakī mandatā-se. vah jaḍ nahīṁ karavātā. apanī pariṇatikī mandatā-se hotī hai. parantu use vah palaṭ sakatā hai ki maiṁ to caitanya hūn̐ aur yah merā svabhāv nahīṁ hai. isaprakār pariṇatiko bhinna karake, maiṁ to ek śuddhātmā hūn̐, ye sab vibhāvabhāv hai, use prayās karake aṁtarameṁ usakā bhedajñān kare. bāraṁbār usakī dr̥ḍhatā kare.
ātmāmeṁ jñān aur ānanda bharā hai, vah apanemeṁ-se pragaṭ hotā hai, bāhar-se kahīṁ- se nahīṁ ātā hai. bāharameṁ-se kuch ā jātā hai yā bāharameṁ-se ānanda yā jñān nahīṁ āte. dev-guru-śāstra mārga batāye. vah jñān pragaṭ honekā kāraṇ banatā hai. parantu puruṣārtha svayaṁko karanā rahatā hai.
anādikāl-meṁ jo deśanālabdhi hotī hai (usameṁ) koī guru mile, koī dev mile to aṁtarameṁ svayaṁ grahaṇ karatā hai. parantu aise guruke upadeśakā nimitta banatā hai. upādān apanā hai. parantu aisā nimitta-naimittik sambandha hai ki guruke upadeśakā nimitta banatā hai. puruṣārtha svayaṁko karanā paḍatā hai. jñāyakako grahaṇ karanā. jñāyakako grahaṇ kaise karanā? usakā mārga bhinna-bhinna nahīṁ hai. ek jñāyakako grahaṇ karanā. vastu-mārga ek hī hai. usakī pratīti, usakā jñān, usakī līnatā. usake liye sab laganī, mahimā, usakā abhyās bāraṁbār vahī karanekā hai.
mumukṣuḥ- pahale jñānalakṣaṇ-se, ye jo paṁdrahavī gāthāmeṁ āyā ki jñānalakṣaṇ-se..
samādhānaḥ- jñānalakṣaṇ-se ātmākī pahicān hotī hai. jñānalakṣaṇ-se pūre jñāyakako grahaṇ karanā. jñānalakṣaṇ ek sāmānya ātmākā lakṣaṇ ki jisameṁ bhed nahīṁ hai, aisā jñāyaka. koī paryāyakā bhed, paryāyake bhed par bhī dr̥ṣṭi nahīṁ rakhakar maiṁ pūrṇa jñāyak hūn̐, us jñāyakako grahaṇ kare to jñāyak grahaṇ hotā hai.
itanā jānā, itanā jānā, itanā jānā vah maiṁ, aisā nahīṁ. parantu jñāyak jo jānanevālā hai, vahī maiṁ hū̃n. use grahaṇ karanā. jñānakī anubhūti-jñāyakakī anubhūti hai vahī maiṁ hū̃n. vibhāvakī jo anubhūti ho rahī hai vah maiṁ nahīṁ hū̃n. jñāyakakī anubhūti hai vahī maiṁ hū̃n. rāgamiśrit jo svād āye vah maiṁ nahīṁ. parantu maiṁ ek jñāyak, akelā jñāyak, jisameṁ akelā jñāyak hī hai, cāroṁ or jñāyak hī hai, vah maiṁ hū̃n. .. maiṁ svayaṁ jñāyak hū̃n. aise jñāyakako grahaṇ karanā vahī (upāy hai). rāgamiśrit jo jñān hotā hai-vikalpameṁ, vah vikalpa maiṁ nahīṁ hūn̐, apitu maiṁ jñān hū̃n. isaprakār jñānako grahaṇ karanā.