Benshreeni Amrut Vani Part 2 Transcripts-Hindi (iso15919 transliteration).

ṭrek-

268

183

hai, vah bhī apane-se huyī hai.

samādhānaḥ- hān̐, karane-se huyī hai.

mumukṣuḥ- vah bhī jñānameṁ sāth-sāth hai.

samādhānaḥ- jñānameṁ jānatā hai.

mumukṣuḥ- aur phir bhī vah sahaj hai, isaliye use ākulatā bhī nahīṁ hotī hai.

samādhānaḥ- ākulatā nahīṁ hotī.

mumukṣuḥ- us pahalūkā bhī use jñān hai.

samādhānaḥ- apane svabhāvakī sahaj daśā khaḍī rakhakar vah hotā hai. aur apanī mandatāke kāraṇ (hotā hai). ... usase svayaṁ bhinna paḍ gayā hai isaliye maiṁ usakā kartā nahīṁ hū̃n. usakā caitanyakā astitva jo hai, vah apanī pariṇati-se bhinna kar diyā hai. maiṁ jñāyak hūn̐, aise apane sahaj svabhāvako bhinna kar diyā hai. ekatvabuddhi ṭūṭ gayī hai, isaliye maiṁ usakā kartā nahīṁ hūn̐, parantu vah hotā hai. merī mandatāke kāraṇ vah hotā hai.

merī jñāyakadaśā sahaj hai, merī mandatāke kāraṇ yah hotā hai. merī jñāyak daśākī nyūnatā hai aur puruṣārthakī mandatā hai isaliye hotā hai. usake khyālameṁ usakī mukhyatā rahatī hai. puruṣārthakī pariṇati uṭhe to sab chūṭ jāy aisā hai. to aṁtarakī daśā pragaṭ hokar sab vibhāv ṭal jāy, aisā hai. puruṣārthakī mandatāke kāraṇ hī vah khaḍā hai. koī kālalabdhi use rokatī hai yā dūsare koī samavāy use rokatā hai, koī use rokatā nahīṁ hai. apanī mandatāke kāraṇ vah sab khaḍā hai, aisā vah barābar jānatā hai. parantu utanī svayaṁkī puruṣārthakī ḍor uṭhatī nahīṁ hai, aisā vah jānatā hai.

amuk samay cakravartī gr̥hasthāśramameṁ rahakar phir bhāvanā bhākar muni hote haiṁ. jab puruṣārtha utpanna hotā hai tab sab chūṭ jātā hai. aisī pariṇati hai ki kartā dikhe, phir bhī use jñātā kahate haiṁ. use hotā hai, hotā hai aisā kahate haiṁ aur kartā nahīṁ hai. aisā kiyā, aisā bole. usakī bolanekī bhāṣāmeṁ aisā āye. phir bhī kahate haiṁ ki jñātā hai. aisī kartā, jñātākī pariṇati (hai).

(ajñānīko) to ekatvabuddhi hai isaliye vah karatā hī hai. vah choḍakar baiṭhā ho to bhī use kartā kahanemeṁ ātā hai. (jñānī) gr̥hasthāśramameṁ ho to bhī use jñātā kahanemeṁ ātā hai. samayasārameṁ ātā hai na ki, muni ho gayā, parantu andar kartābuddhi khaḍī hai to kartā hī hai. choḍā to bhī kartā hai. (jñānī) gr̥hasthāśramameṁ hai to bhī jñātā hai.

praśamamūrti bhagavatī mātano jay ho! mātājīnī amr̥t vāṇīno jay ho!

< Previous Page Next Page >