Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

186 hai. arūpī ātmāko pakaḍanā. upayog sūkṣma kare to pakaḍameṁ ātā hai. ye vikalpa, jo vibhāvabhāv hai, usase bhī ātmā to sūkṣma hai. jñānasvabhāv-jñāyakasvabhāv, us jñānameṁ pūrā jñāyak samāyā hai. us jñāyakako svayaṁ sūkṣma upayog kare to pakaḍameṁ ātā hai. sūkṣmatāke binā pakaḍameṁ (nahīṁ ātā). sthūlatā-se aur rāgamiśrit bhāvoṁ-se pakaḍameṁ nahīṁ ātā. parantu usase bhinna hokar pakaḍe to pakaḍameṁ āye aisā hai.

mumukṣuḥ- bhinna paḍakar māne kyā?

samādhānaḥ- bhinna paḍakar arthāt andar jñāyakako grahaṇ karake vikalpake bhāvoṁ- se bhinna paḍe to vāstavik pakaḍameṁ ātā hai. pahale śurūātameṁ to use vikalpa sāthameṁ hotā hai. vikalpa-se bhinna paḍe to aṁtarameṁ nirvikalpa daśā ho jāy, vah to vāstavik pakaḍameṁ ātā hai. śurūātameṁ, pratham bhūmikāmeṁ to vikalpa sāthameṁ hotā hai. vāstavik pakaḍameṁ āye to vikalpa-se bhinna paḍatā hai. parantu pahale śurūātameṁ vikalpako gauṇ karake aur ātmāko adhik rakhakar yadi pakaḍe to pakaḍameṁ ātā hai. vikalpa-se bilakūl bhinna to nirvikalpa daśā ho to vah vikalpa-se bhinna paḍatā hai. vikalpako gauṇ karake aur aṁśataḥ ātmāko mukhya karake pakaḍe to pakaḍameṁ ātā hai.

bhedajñānakī dhārā ho to usameṁ vikalpa-se bhinna paḍe. bhinna paḍe arthāt vikalpa hai aisā use khyāl rahatā hai ki parantu pariṇatiko bhinna karatā hai. vah sab to vāstavik hai. śurūātakī bhūmikāmeṁ vikalpa sāthameṁ hotā hai, parantu vikalpako gauṇ karake ātmāko mukhya rakhakar, yah maiṁ jñāyak hūn̐ aur yah vikalpa hai, is tarah pakaḍ sakatā hai.

mumukṣuḥ- vacanāmr̥tameṁ ātā hai ki ātmāko mukhya rakhanā. parantu kāyākī ginatī karane jaisā nahīṁ hai. phir bhī pariṇāmoṁmeṁ kāryakī ginatī ho jātī ho to vahān̐ mukhya kāraṇ kyā banatā hogā? aur usase bacane hetu prayogātmak paddhati-se kyā karanā?

samādhānaḥ- kāyākī ginatī nahīṁ karanā, ātmāko mukhya rakhanā. kāyākī ginatī to use bāharameṁ us jātakā use rāg hai isaliye ginatī hotī hai. usake liye ek ātmā taraphakī hī lagan lagāye, dūsarekī mahimā ṭūṭ jāy ki dūsare kāyākī kyā mahimā hai? ātmā hī mujhe sarvasva hai aur ātmāmeṁ hī sarvasva hai. to ātmāko mukhya rakhe, ātmākī mahimā āye to vah sab use gauṇ ho jātā hai. use kisī bhī prakārakī ginatī nahīṁ hotī. merā ātmā hī sarvasva hai. ātmākī hī mahimā, ātmākī lagan, ātmā or hī use sarvasvatā lage aur dūsarekā ras ṭūṭ jāya. dūsarekī mahimā ṭūṭ jātī hai.

mumukṣuḥ- itanā paḍhatā hūn̐, itanī bhakti karatā hūn̐, maiṁ itane ghaṇṭe aisā karatā hū̃n. itanā-itanā maiṁ karatā hūn̐, aisā ginatī (hotī hai).

< Previous Page Next Page >