ho jātā ho to vāṁcan karanā, vicār karanā. anek prakār-se upayogako badalate rahanā.
mumukṣuḥ- āpakī vāṇī bahut mīṭhī aur saral lagatī hai. itanī saral lagatī hai ki andarameṁ sab samajhameṁ ātā hai.
samādhānaḥ- koī bār ugra ho, koī bār dhīre ho, jijñāsuko aisā hotā rahatā hai. ... bīcameṁ hotā hai. nimitta-upādānakā aisā sambandha hai. isaliye jitanā satsamāgam ho us prakārakā prayatna karanā. aur apanī taiyārī karanī. karanekā svayaṁko hī hai. usakā svabhāv hai vah sahaj hai. parantu pariṇatiko palaṭanā vah puruṣārtha hai. puruṣārtha aur sahaj, aisā hai.
mumukṣuḥ- abhī tak gurudevaśrīko sunate the, sab karate the, parantu usameṁ apekṣā jñān, gurudevakā hr̥day gāṁbhīrya kyā hai, vah hameṁ barābar samajhameṁ nahīṁ ātā thā. isaliye gurudev bahut apekṣāen̐ letee the. parantu ham śabdoṁmeṁ hī le jāte the aur samajhameṁ nahīṁ ātā thā. āpake pratāp-se hameṁ thoḍā samajhameṁ āne lagā. mahimā bhī ātī hai, lagatā hai ki aho! yahī satya hai. aisā mārga hai, pahale ... jaise āpane kahā, jise lagī hai usīko lagī hai, pihū pihū pukāratā hai. usake liye vaisī utkaṁṭhā jāgr̥t nahīṁ hotī hai, to usameṁ hamārī kyā bhūl hotī hogī? athavā hameṁ kis prakār-se vaisā lage, āp darśāīye.
samādhānaḥ- aṁtarameṁ utanī puruṣārthakī mandatā rahatī hai, bāharameṁ aṭak jātā hai isaliye. aṁtarameṁ bas, yahī karanekā hai, satya yahī hai. svabhāvameṁ hī sukh hai, sab svabhāvameṁ bharā hai. bāhar kahīṁ nahīṁ hai. utanī aṁtarameṁ rucikī tīvratā nahīṁ hai. isaliye puruṣārthakī mandatā hai. ruci hai, parantu rucikī mandatāke kāraṇ, puruṣārthakī mandatāke kāraṇ vah tīvratā nahīṁ ho rahī hai. tīvratā ho to puruṣārtha utpanna hue binā rahe nahīṁ. mandatā rahatī hai, apanī hī mandatā rahatī hai. usakā kāraṇ apanā hai, anya kisīkā kāraṇ nahīṁ hai. apanī ruci manda hai aur apane puruṣārthakī mandatā hai. isaliye usameṁ ruk gayā hai.
mumukṣuḥ- vacanāmr̥tameṁ ātā hai ki sūkṣma upayog karake jñāyakako pakaḍanā. sūkṣma upayogameṁ kyā gūḍhārtha hai? prayogātmak paddhati-se sūkṣma upayog (karanā)?
samādhānaḥ- upayog bāharameṁ sthūlarūp-se bāhar vartatā rahatā hai. svayaṁ sthūlatā- se bāhya padāthāko jānanekā prayatna kare, vikalpako pakaḍe vah sab sthūl hai. parantu andar ātmāko pakaḍanā vah sūkṣma hai.
ātmākā jo jñānasvabhāv, jñāyakasvabhāvako pakaḍanā vah sūkṣma upayog ho to pakaḍameṁ ātā hai. kyoṁki vah svayaṁ arūpī hai. vah kahīṁ varṇa, gandha, ras, sparśavālā nahīṁ