190 kar sakatā hai. saccā mumukṣu ho vah bhed kar sakatā hai. saccā mumukṣu ho vah bhed kar sakatā hai. unake paricay-se, unakī vāṇī-se bhed kar sakatā hai. parīkṣā karake bhed kar sakatā hai.
mumukṣuḥ- dev-guru-śāstrakī mahimāke vakta ātmākī khaṭak rakhanekā āp pharamāte ho, to vah donoṁ ek pariṇāmameṁ prayogātmak rūp-se kaise karanā?
samādhānaḥ- dev-guru-śāstrakī mahimāke samay ātmākī (khaṭak honī cāhiye). us mahimākā hetu kyā hai? dev-guru-śāstra, jinendra devane ātmā pragaṭ kiyā hai, ve kevalajñān svarūp, pūrṇarūp-se virājamān ho gaye, gurudev sādhanā karate haiṁ, śāstroṁmeṁ bhī vah ātā hai, isaliye usakī mahimākā hetu kyā hai ki unhoṁne jo caitanyakā svarūp pragaṭ kiyā, isaliye unakī mahimā ātī hai. usakā artha vah hai ki unhoṁne vah svarūp pragaṭ kiyā isaliye unakī mahimā ātī hai. to us svarūpakī svayaṁko ruci hai aur vah ruci vaisī honī cāhiye ki vah svarūp mujhe pragaṭ ho.
ataḥ rūḍhigatarūp-se vah acchā hai aise nahīṁ. unhoṁne jo pragaṭ kiyā vah ādarane yogya koī anupam vastu pragaṭ kī hai. aur vah vastu mujhe cāhiye. isaliye usameṁ ruci aur dev-guru-śāstrakī mahimā donoṁ sāth hote haiṁ. jise mahimā, aisī samajhapūrvak mahimā āye use ātmākī ruci sāthameṁ hotī hī hai. oghe oghe karatā ho (aisā nahīṁ). samajhapūrvak jise mahimā ātī hai use ruci sāthameṁ hotī hī hai ki yah svarūp mujhe cāhiye. ye vibhāv acchā nahīṁ hai, parantu svabhāv acchā hai. ataḥ jo dev- guru-śāstrane pragaṭ kiyā hai, usakī use mahimā ātī hai aur vah mujhe cāhiye. aisā andar-se samāyā hai. aisī ruci sāthameṁ hotī hī hai. aisī samajhapūrvak jise mahimā āye, use ātmākī ruci sāthameṁ hotī hī hai.
ātmākī ruci sāthameṁ na ho aur akelī mahimā kare to vah sab samajhe binākā hai. anādi kāl-se jo mātra ruḍhigatarūp-se kiyā vaisā. dev-guru-śāstra ādarane yogya kyoṁ hai? ki unhoṁne ātmākā svarūp koī apūrva pragaṭ kiyā hai, isaliye. isaliye unakā svayaṁko ādar hai. aṁtarameṁ apanā ādar andar ā jātā hai.
mumukṣuḥ- ātmākī khaṭak rahatī ho aur mahimā ātī ho, vahī saccī mahimā hai?
samādhānaḥ- vahī saccī mahimā hai. use khaṭak rahatī hī hai. jise saccī mahimā āye use ātmākī khaṭak sāthameṁ hotī hī hai. to saccī mahimā hai.
gurudevane mārga kitanā spaṣṭa kiyā hai. praśna pūche usakā uttar detī hū̃n. mumukṣuḥ- gurudevake śabda bahut gaṁbhīr, isaliye kuch samajh nā sake. unakā gaṁbhīr āśay samajh na sake, āpane gurudevakā hr̥day kholā isaliye ham bac gaye.